☰ 2 Timoti 3
3
Dughiar Abuananaba, gumazamiziba arazir kurabar amuam
1 ++Ezɨ nɨ bizir kam gɨfogh, Dughiar Abuananaba, osɨmtɨzir bar kuraba otivam. 2 ++Gumazamiziba vaghvagh uari baghvɨra nɨghnɨgham, egh me dagɨaba baghɨva bar ikuvigham. Egh me uari uan ziaba fɨva, igharaz darazir gan suam me pura biziba, egh igharaz darazir ziaba gasɨghasɨghɨva, egh uan ameboghfeziabar akaba baraghan kogham. Egh gumazamizir arazir aghuibar me gamiba, me me mɨnabaghan kogham. Me Godɨn aghuagham. 3 ++Egh me namakabagh ifongezir arazim gɨfoghan kogham. Egh igharaz darazi ko uarir atarɨva, adariba gɨvan tuaviba puvatɨgham. Me akar kurabav kɨmɨva igharaz darazi gɨrakɨrangɨn me mɨkɨmam. Egh me uan navir ghurimɨn araziba dɨkabɨnɨva avegham, egh pura gumazamizibav soghɨva me gasɨghasɨgham. Egh me arazir aghuibar apanimɨn ikiam. 4 ++Egh me pazɨ uan namakabar amuam. Egh me deraghvɨra nɨghnighan kogh, atamra uan nɨghnɨzir kurabar gɨn mangam. Egh me uarira uarigh nɨghnɨgh suam, erara gumazir ekiaba, e bar pɨn iti. Egh me uan inivafɨzir agorogebar gɨn mangɨsɨ, God gifueghan kogham. 5 ++Egh me pura ifar mɨkɨm suam, me Godɨn gɨn zui. Me guizbangɨra akɨrim ragha Godɨn gavgavim gasara. Nɨ gumazir kamaghɨn amibar saghon ikɨ. 6 ++Ezɨ men marazi tuaviba buria dɨpenibar aven ghua amizir nɨghnɨzir aghuiba puvatɨziba apezepera, kalabuziabar mɨn me gamima me men apengan iti. Amizir onganir kaba me arazir kurar avɨrim gamizɨ, dar osɨmtɨziba me taragha uaghiri. Ezɨ men naviba me gaghuavkɨrima me arazir kurar mɨngariba puvatɨzibar amuasa ifonge. 7 Egha amizir kaba me sure damuasa bar ifongegh, guizɨn akam gɨfoghan kogham. 8 ++Fomɨra Janes ko Jambres aning Mosesɨn apanimɨn iti moghɨn, gumazir kaba guizɨn akamɨn apanim gami. Ezɨ men nɨghnɨziba deragha ingarir puvatɨzɨma me nɨghnɨzir gavgavim Godɨn itir puvatɨ.* 9 Eghtɨ men arazir kam bar ekeveghan kogham. Gumazamiziba bar men arazir kabar ganigh fogh suam, da bar ikuvigha ongani, mati gumaziba fomɨra Janes ko Jambresɨn arazibar gara ghaze, da bar ikuvigha ongani.
Timoti pamtemɨn Godɨn akamɨn suiragh
10 ++Ezɨ nɨ na ko ikiava, nan arazir kɨ manmaghɨn gumazamizibar sure gamim, nɨ a gɨfo. Nan dabirabir arazim nɨ a gɨfo, egha uaghan nan arazibar mɨngarim sara. Nɨ fo, kɨ nɨghnɨzir gavgavim Godɨn iti, egha zurara uan navim gavgavim a ganɨga ingangarim gami. Egha kɨ igharaz darazigh ifuegha, tugha gavgavigha osɨmtɨziba ateri. 11 ++Nɨ arazir kurar gumazamiziba na gamiziba, nɨ dagh fo, egha uaghan mɨzazir kɨ Antiok ko Aikoniam ko Listran ikia iniziba sara. Ezɨ nɨ fo, me nguibar ekiar kabar arazir bar kurabar na gami. Ezɨ Ekiam osɨmtɨzir kabar aven nan akurazɨma kɨ deravɨra iti. 12 ++Bar guizbangɨra, gumazamizir Krais Iesus ko ikɨ Godɨn Arazibar gɨn mangasa ifongeziba, me bar, gumazamiziba pazɨ me damuam. 13 ++Eghtɨ gumazamizir kuraba ko ifavarir gumazamiziba, gumazamizir igharazibagh ifar mangɨvɨra ikiam. Eghtɨ Satan uaghan me gifartɨ, men araziba bar ikuvigham.
14 ++Ezɨ nɨrara, nɨ mɨghvɨra guizɨn akar kamɨn suiragh, akar nɨ inigha nɨghnɨzir gavgavim an itim. Guizbangɨra, nɨ bar deragha e gɨfo, e gumazamizir akar kamɨn nɨn sure gamiziba. 15 ++Egha nɨ fo, dughiar nɨ aghɨrimra itim, nɨ faragha Godɨn Akɨnafaribar fofozim ini. Akɨnafarir kaba da nɨghnɨzir aghuiba nɨ ganɨdima, nɨ nɨghnɨzir gavgavim Krais Iesusɨn ikɨ Godɨn Akurvazim iniam. 16 ++E fo, Godɨn Duam uabɨ, Godɨn Akɨnafarimɨn aven itir akabagh amizɨ da otifi. Ezɨ akar kam a bar bizir aghuim, a guizɨn akamɨn en sure gamuava, nɨghnɨzir aghuiba puvatɨzir gumazamiziba akɨrava, en daroriba akɨrava, egha arazir Godɨn damazimɨn derazibar en sure gami. 17 ++Kamaghɨn amizɨ, e Godɨn gumazamiziba, akar kaba e gamima e arazir aghuiba bar ada inigha ingangarir aghuibar amuasava ami.
+ 3:1 1 Ti 4:1, 2 Ti 4:3, 2 Pi 3:3, 1 Jo 2:18 + 3:1 1 Timoti 4:1; 2 Timoti 4:3; 2 Pita 3:3; 1 Jon 2:18 + 3:2 Ro 1:29-31, 1 Ti 1:20, 6:4, 2 Pi 2:3, 2:12 + 3:2 Rom 1:29-31; 1 Timoti 1:20; 6:4; 2 Pita 2:3; 2:12 + 3:3 Ta 2:3, 2 Pi 3:3 + 3:3 Taitus 2:3; 2 Pita 3:3 + 3:4 Fl 3:19, 2 Pi 2:13, Ju 4, 19 + 3:4 Filipai 3:19; 2 Pita 2:13; Jut 1:4; 1:19 + 3:5 Mt 7:15, 7:21, Ro 2:19-20, 2 Te 3:6, 1 Ti 5:8, 6:5, Ta 1:16 + 3:5 Matyu 7:15; 7:21; Rom 2:19-20; 2 Tesalonika 3:6; 1 Timoti 5:8; 6:5; Taitus 1:16 + 3:6 Mt 23:14, Ta 1:11 + 3:6 Matyu 23:14; Taitus 1:11 + 3:8 Kis 7:11, Ro 1:28, 2 Ko 13:5, 1 Ti 6:5, 2 Ti 2:25 + 3:8 Ua Me Ini 7:11; Rom 1:28; 2 Korin 13:5; 1 Timoti 6:5; 2 Timoti 2:25 * 3:8 Judaba kamaghɨn eghara ghaze, Janes ko Jambres, kar Mosesɨn dughiamɨn ikezir Isipɨn Atrivimɨn ganganir gumazimningɨn ziamning. Nɨ Ua Me Ini 7:22 ko 9:11ɨn gan. + 3:10 Fl 2:22, 1 Ti 4:6 + 3:10 Filipai 2:22; 1 Timoti 4:6 + 3:11 Sng 34:19, Ap 13:14-52, 14:1-20, 2 Ko 1:10 + 3:11 Onger Akaba 34:19; Aposel 13:14-52; 14:1-20; 2 Korin 1:10 + 3:12 Mt 16:24, Jo 15:20, 17:14, Ap 14:22, 1 Te 3:3 + 3:12 Matyu 16:24; Jon 15:20; 17:14; Aposel 14:22; 1 Tesalonika 3:3 + 3:13 2 Te 2:11, 1 Ti 4:1, 2 Ti 2:16 + 3:13 2 Tesalonika 2:11; 1 Timoti 4:1; 2 Timoti 2:16 + 3:14 1 Ti 1:13, 1 Ti 2:2 + 3:14 1 Timoti 1:13; 2:2 + 3:15 Jo 5:39, 1 Pi 1:20-21 + 3:15 Jon 5:39; 1 Pita 1:20-21 + 3:16 Ro 15:4, 2 Ti 2:21, 2 Pi 1:20-21 + 3:16 Rom 15:4; 2 Timoti 2:21; 2 Pita 1:20-21 + 3:17 1 Ti 6:11, 2 Ti 2:21 + 3:17 1 Timoti 6:11; 2 Timoti 2:21
☰