7
MATTHEW, CHAP VII
1 Nowaiy inde an nuntun ananyiril wirrangwarrin, wunyar nowaiy nuntun umanyiril wirrangwarrin.
2 Lun ellin inde ananyiril nuntun, Kar nuntani umanyiril. Lun ellin inde anangk pempin, kar pempani umangk.
3 Mekimb inde an nakkin katthari gelauwanangk pelungai; nowaiy inde yan ngullun ngarrari umanyirungai pelungai.
4 Hypocritinda, ngungkur yan pintamin ngarrari umanyirenend pelenend, wunyinde nakkin pintamuramb ityan katthari kinanyirenend pelenend.
5 Meng inde yarnin gelauwanangk luku pintam amb atte yan katthari umanyirenend pelenend, ungunuk ngarrari umanyirungai pelungai.
6 Nowaiy inde pemp an harnakar nunkerar kelungar, nowaiy throkkun an pearlar swineungar; ungunuk inde lun ellani kar ngeraggeyelani, wunyar tremani um.
7 Reytyuwun wunyile pempani onomangk, wilkun wunyungune pindyani, ngurunguldun wunyitye deorowe ramani.
8 Ungunuk ar ngruwar reytyuwun wunyar morokkun: wilkun ile wunyitye pindyin; ngurunguldun in ambe doorowe ramin.
9 Ungunuk kornald porl inangk Kurrin krepowe, wunyile nowaiy inangk pempani marte.
10 Ungunuk ile inangk kurrin mame; wunyile nowaiy inangk pempani yan kraiye.
11 Ungunuk ungune, wirrangar kornar, pempin harnakar nunkerar nomanyirungar porlungar; nomauwe ngaiowe wyirreungai ile anangk pempani nunkerar, ungunuk ar ityan reytyuwun.
12 En ellin anyeri, lun inde an pornun, ar en ellani umanyeri: luku lawowe prophetar.
13 Yappul ind our an muralappe doorowe. Grauwe doorowe, grauwe yarluke hellald ngruwar Narrinyerar yappulun naiye.
14 Muralappe ellin doorowe, tokoauwe ellin itye yarluke wyirreald; maltaiar pindyin ityan.
15 Nowaiy inde an kungun yelpulun prophetar. Kar ngolun sheepald maiyinggar; Katyil ar ellin ngolk-amaldar.
16 Kanauwurle fruitowar an reyani katyil inde an nglemani: tarno kornar trintin grapesar palyenend, tarno kornar pindyin figsor talgungar.
17 Nunkerar lamatyerar punden nunkerar fruitowar; wirrangar lamatyerar punden wirrangar fruitowar.
18 Nunkeri lamatyeri nowaiy itye yan punden wirrangi fruitowe; wirrangi lamatyeri nowaiy itye yan punden nunkeri fruitowe.
19 Yaral lamatyeri nowaiy an punden nunkeri fruitowe, wunyar merippin ityan, wunyar nyrangkin ityan.
20 Hikkai ukke inde an nglemani Kar an angk reyani ananyiril fruitowe.
21 Tarno ngruwar yappulani wyirrewarre yare anangk krunkun, Lord. Lord, Kanai yappulani yare ar an ellani Nangaiyin tungarar.
22 Ngruwar yarnani crnangk nunkungai. Lord, Lord, ngurn prophesied umauwe mitye; ngurn prildir an brupar in angk ai mai mitye; in angk ai mai mitye arn an ellir ngruwar.
23 Wunyatte an tingowani, luku, tarno atte nglemir enom, ngowal our wirrangar.
24 Yaral korn kungun an anai tungarar, wunyile an luk ellin; kitye lun ellin nglemamalde, ngarrin ile yan taldumande martungai.
25 Wunyar parnar trippin, grauwe bahrekar puntin, maiyar kurungkun; harnakar yan mempin taldumande, nowaiy pingkin itye, yummun itye martungai.
26 Yaral korn an kungun anai tungarar, wunyitye nowaiy an luk ellin, kitye lun ellin bailpulun korn; ngarrin ile yan taldumande tunungai.
27 Wunyar parnar trippin, grauwe bahrekar puntin, maiyar kurungkun, kar mempin yan taldumande, pingkin itye grantowallin itye pingkin.
28 Yaral pekin itye Jesuse an tungarar, prantin ar narrinyeri.
29 Yarnin itye anangk lun ellin korn taiyin, nowaiy lun ellin scribar.