Naaɓii faam Esawuu
36
Ɓeleɓɓi Esawuu a koyyi ƴaal
1 Ƴee daa tii yi ɓëy faam Esawuu fa na wonuu Edom ra.
2 Esawuu kooɗ ɓeleɓ éeyë yí dékú Kanaan : Aada fi Elon Heda ; Oholibama koy Ana fi Sibewoŋ Híwë ;
3 a Basmat koy-yaafi Nebayot fi Ismayel.
4 Esawuu a Aada lahute Elifas ; ɓani Basmat lahute Rewel ;
5 ɓani Oholibama lahute Yéwús, Yelam a Korah. Koyyi ƴaalla lahaꞌ Esawuu Kanaan ra, daa wa ƴah.
6 Esawuu kolaꞌ dah, ɓeɓpe ɓeleɓɓi, koyyi ƴaal a koyyi ɓeleɓ a ɓëewë homu yaꞌi ra ɓéeɓ, ɗi kúrëelëhté yuppa a alal ma lahaꞌ ri Kanaan ra ɓéeɓ, saañce gin kay, wulohte Yakop koy-yaafi.
7 Bi caaku wa alal níi caak, wa mínlíh dék ílíƴ yínë, gaani yuppi wa tahte deya homu wa ra doyeh wa.
8 Ɗaaha, Esawuu fa na wonuu Edom ra saañce yíppé faami daŋi Séyíir.
Ɓëy tali Esawuu di Séyíir
9 Ƴee daa tii yi ɓëy faam Esawuu, ciffi ɓëy Edomma húmú dékú daŋi Séyíir rë.
10 Tii yi koyyi ƴaalla daa wa ƴeh : Elifas, koy Aada ɓeleɓ Esawuu, a Rewel koy Basmat ɓeleɓ Esawuu.
11 Ƴee daa koyyi ƴaalli Elifas : Teman, Omar, Sefo, Gaatam, Kenaas.
12 Elifas a Timna ɓelii ƴutuudi lahute Amalek. Séttí Aada ɓeleɓ Esawuu, daa wa ƴah.
13 Ƴee daa koyyi ƴaalli Rewel : Nahat, Serah, Sammah a Misa. Séttí Basmat ɓeleɓ Esawuu, daa wa ƴah.
14 Ƴee daa koyyi ƴaalli Esawuu a Oholibama koy Ana fi Sibewoŋ : Yéwús, Yelam a Korah.
Coosaani ɓëy Edom
15 Ƴee daa kélfë yí talla faam Esawuu : koyyi ƴaalli Elifas, saawi Esawuu : Teman, Omar, Sefo, Kenaas,
16 Korah, Gaatam a Amalek. Koyyi Elifas fi Aada, ƴee henu kélfë tal Edom ra, daa wa ƴah.
17 Koyyi ƴaalli Rewel fi Esawuu : Nahat, Serah, Sammah a Misa. Koyyi Rewel fi Basmat, ƴee henu kélfë tal Edom ra, daa wa ƴah.
18 Ƴee daa koyyi ƴaalli Esawuu a Oholibama fi Ana : Yéwús, Yelam a Korah. Koyyi Oholibama, ƴee henu kélfë tal ra, daa wa ƴah.
19 Ƴaa daa koyyi ƴaalli Esawuu, ƴee henu kélfë tal Edom ra.
Ɓëy tali Séyíir
20 Ƴee daa ɓëewí ƴaalla tali Séyíir Hora, ƴee ɗéɓúu dék Edom ra : Lotan, Sobal, Sibewoŋ, Ana,
21 Dison, Etseer a Disan. Koyyi Séyíir Hora, ƴee henu kélfë tal Edom ra, daa wa ƴah.
22 Koyyi ƴaalli Lotan daa Hori a Hemam. Koy-yaafi Lotan ɓeleɓ hínú Timna.
23 Ƴee daa koyyi ƴaalli Sobal : Alwan, Manahat, Ebal, Sefo a Onam.
24 Ƴee daa koyyi ƴaalli Sibewoŋ : Ayaa a Ana fa húmú ot cul muluɓ núgúyíɗ luufin na níiɗ rí mbaammi Sibewoŋ boffi ra.
25 Ƴee daa koyyi Ana : koohi ƴaal hínú Dison, koohi ɓeleɓ hínú Oholibama.
26 Ƴee daa koyyi ƴaalli Dison : Hemdan, Esban, Yitaran a Keran.
27 Ƴee daa koyyi ƴaalli Etseer : Bilhan, Saawan a Akan.
28 Ƴee daa koyyi ƴaalli Disan : Úus a Aran.
29 Ƴee daa kélfë yí talli Horra : Lotan, Sobal, Sibewoŋ, Ana,
30 Dison, Etseer a Disan. Ƴaa daa kélfë yí talli Horra di Séyíir.
Buurri Edom
31 Buurra ílífú gini Edom balaa ɓëy Israyel lah buur ra, daa wa ƴeh :
32 Belaa koy Bewoor héníɗté buuri Edom. Ɗi húmú dék Dinabaa.
33 Húlëꞌ rí rë, Yobap koy Serah fi ɓëy Botsiraa daa took nguur ka.
34 Húlëꞌ Yobap ra, Husam fi ɓëy Teman daa took nguur ka.
35 Húlëꞌ Husam ra, Hadat koy Bedat daa took nguur ka. Ɗi húmú dék Awit. Daa ri ɓaŋ haaꞌi ɓani ɓëy Majaan di deyi Mohap.
36 Húlëꞌ Hadat ra, Samla fi ɓëy Marsekaa daa took nguur ka.
37 Húlëꞌ Samla ra, Sawul fi ɓëy Rehobot fa hom ɓúk laaha ra daa took nguur ka.
38 Húlëꞌ Sawul ra, Baal-Hanan koy Akboor daa took nguur ka.
39 Húlëꞌ Baal-Hanan koy Akboor ra, Hadar daa took nguur ka. Ɗi húmú dék Pawuu. Metabeel daa ɓeleɓi. Materet daa yaafi Metabeel, Mesahap daa yaafi Materet.
Kélfë yí talla Edom
40-43 Ƴee daa kélfë yí talla coosaanuu Esawuu na ra : Timna, Alwaa, Yetet, Oholibama, Elaa, Pinon, Kenaas, Teman, Mipsaar, Makdiyel, Iram. Ƴaa daa kélfë yí talla Edom. Ow fi ow waa na ɓéeɓ daa lahaꞌ deya dék ɗí rë. Ɓëy Edom coosaanuu Esawuu na.