12
सुभाय्या भजन
1 व दिंखुन्हु छिमिसं थथे धाइ,
“हे परमप्रभु, जिं छिगु प्रशंसा याये!
छि जिनापं तंचायादीगु दु,
अय्नं आः छिगु तं क्वलाय् धुंकूगु दु
अले छिं जितः सान्त्वना बियादीगु दु।
2 परमेश्वर धात्थें जितः उद्धार याइम्ह खः,
जिं वय्कःयात विश्वास याये अले जि छति नं ग्याये मखु।
परमप्रभु जिगु शक्ति व भजन खः,
वय्कः हे जिगु निंतिं छुत्कारा बीम्ह जुयादीगु दु।”
3 बुंगाःचाया लखं लसता हः थें
अथे हे थ्व मुक्तिं यानाः छिपिं लय्ताइ।
4 व दिंखुन्हु छिमिसं थथे म्ये हाली,
“परमप्रभुयात सुभाय् ब्यु! अले वय्कःया नां घोषणा या।
वय्कलं यानादीगु ज्या फुक्क जातितय्त न्यंकि,
वय्कः गुलि तःधंम्ह खः धकाः फुक्कसित धयाब्यु!
5 परमप्रभुं यानादीगु अजू चायापुगु ज्याया निंतिं वय्कःया भजन हाः।
पृथ्वीइ च्वंपिं सकसिनं थ्व खँ न्यनेमा!
6 सियोनय् च्वंपिं सकसिनं तःसलं म्ये हालेमा!
इस्राएलया पवित्र परमेश्वर तःधंम्ह खः,
अले वय्कः थः मनूतय् दथुइ च्वनादी।”