25
बिल्ददया लिसः
1 अले बिल्दद शुहीनं लिसः बिल,
2 “परमेश्वर शक्ति दुम्ह खः, सकसिनं वय्कःया भय कायेमाः।
वय्कलं थःगु स्वर्गया राज्यय् शान्ति जुइकातइ।
3 सुनानं वय्कःया सेना ल्याः खाये फइ ला?
वय्कःया जः सुयाथाय् मथ्यंगु दु?
4 परमेश्वरया मिखाय् मनू गय् यानाः धर्मी जुइ फइ?
अथवा मिसापाखें बूम्ह मनू गय् यानाः दोष मदुम्ह जुइ फइ?
5 वय्कःया मिखाय् तिमिला नं मथी,
अथवा वय्कःयात नगुत नं यचुसे मच्वं धाःसा
6 थुकथं हे परमेश्वया मिखाय् मनूत की थें खः,
झीपिं सीमानिपिं मनूत किमि थें जक खः।”