149
परमप्रभुया प्रशंसाया भजन
1 हल्लेलूयाह!
परमप्रभुया निंतिं
छपु न्हूगु भजन हा,
विश्वास याये बहःपिनिगु
सभाय् वय्कःया प्रशंसा या!
2 इस्राएल थःत
सृष्टि यानादीम्हय्सिया
कारणं लय्तायेमा,
सियोनयापिं मनूत थः जुजुया
कारणं लय्तायेमा!
3 प्याखं ल्हुल्हुं इमिसं
वय्कःया नांया प्रशंसा यायेमा,
दम्फु व वीणा थानाः
इमिसं वय्कःया भजन हालेमा।
4 परमप्रभु थः मनूत खनाः लय्ताः,
वय्कलं क्वमिलुतय्त
मुक्ति बियाः हनादी।
5 विश्वास यायेबहःपिं मनूत
महिमाया कारणं लय्तायेमा,
अले थःगु लासाय् च्वनाः नं
इमिसं जयजय यायेमा।
6 इमिगु म्हुतुं परमेश्वरया
प्रशंसा जुइमा,
अले इमिगु ल्हातय्
निखें धाः दुगु तरवार दयेमा,
7 इमिसं जाति जातियात
बदला कायेमा,
देश देशयापिं मनूतय्त
सजाँय बीमा,
8 इमि जुजुपिन्त सिखलं,
व इमि नायःतय्त नँयागु
न्यवलं चीमा।
9 अले इमित क्वःछिनातःगु
सजाँय बीमा।
विश्वास यायेबहःपिं मनूत
महिमाया कारणं लय्तायेमा।
हल्लेलूयाह!