6
दुःखया इलय्
ग्वाहालिया निंतिं प्रार्थना
दाऊदया भजन, लय तइम्हसिया निंतिं –
तार बाजा नापं हालेगु
1 हे परमप्रभु!
जितः तमय् ब्वःबियादी मते।
थःगु तच्वःगु तमय् जितः
सजाँय बियादी मते।
2 जि तसकं न्यले धुंकूगुलिं
जितः दया यानादिसँ।
जिगु क्वँय् तसकं स्याये धुंकूगुलिं
जितः लाय्कादिसँ।
3 जिगु नुगः तसकं स्यानाच्वंगु दु।
हे परमप्रभु, जिं गुबलय् तक
पियाच्वनेगु?
4 हे परमप्रभु, जिपाखे फहिलादिसँ।
अले जितः बचय् यानादिसँ।
छिगु तःधंगु दयां जितः
बचय् यानादिसँ।
5 सीधुंकाः छिगु नां सुनां काइ?
सीगालं छितः सुनां तःधंकी?
6 झसुकाः ततं जि त्यानुइ धुंकल।
चच्छिं ख्वयाः जिं थःगु लासा
प्याकाच्वना।
7 ख्वख्वं जिगु मिखा बुलुइ धुंकल।
जि शत्रुतय्सं यानाः
ख्व जक ख्वयाः
जिगु मिखा मनावये धुंकल।
8 अय् दुष्टत! जिथाय् च्वने मते।
छाय्धाःसा परमप्रभुं जिगु ख्वःसः
न्यनादी धुंकल।
9 परमप्रभुं जिगु प्रार्थना
न्यनादी धुंकल।
परमप्रभुं जिगु प्रार्थनाया लिसः
बियादी।
10 जि शत्रुत फुक्कसिनं
लज्या चायेमाली, अले ग्याइ।
इपिं फुक्कं मछालाः बिस्युंवनी।