123
Tlamaijtoli para Toteco ma quitlasojtla
1 Na nijtlalanas noxayac para nimitztlachilis ta, TOTECO,
tlen timosehuijtoc ipan elhuicac.
2 Tojuanti timitztlachilíaj ta,
TOTECO toDios, para ma titechtlasojtla san se queja se tlatequipanojquetl quitlachilía iteco,
o queja se sihua tlatequipanojquetl quitlachilía iteco isihua para ma quichihuili tlen cuali.
3 TOTECO, xitechtlasojtla.
Quena, xijpiya hueyi moyolo tohuaya.
4 Ya tisiyajtoque ica nopa tlacame tlen techitaj queja ax tleno topati.
Inijuanti tlen mohueyimatij huan tlen itztoque ricos tlahuel techpinajtíaj,
hasta ya techyolajsi.