130
Ximotemachica ipan Toteco para inmechmanahuis
1 TOTECO, quema nimopantía ipan se hueyi tlaohuijcayotl,
na nimitztzajtzilía para xinechtitlanilis motlapalehuil.
2 Toteco, xinechtlacaquili quema nimitznojnotza.
Xinechchihuili cuenta tlen nimitztlajtlanía huan xinechpalehui.
3 TOTECO, intla tiquilnamiquisquía nochi totlajtlacolhua,
axaca huelisquía moquetzas moixtla.
4 Pero ta nelía titetlapojpolhuía,
para nochi tlacame ma mitztlepanitaca.
5 Na nimochiya ipan ta, TOTECO, para tinechpalehuis,
Quena, ica nochi noyolo nimotemachía ipan nopa tlen tinechtlajtolcahuilijtoc ipan motlajtol.
6 Ipan noalma senquistoc nitlachixtoc para ta, TOTECO, xitequiti.
Nitlachixtoc para tinechpalehuis,
queja nopa tlamocuitlahuiani quichiyaj ma tlanesi.
Quena, más nitlachixtoc huan ax queja tlamocuitlahuiani tlen tlahuel quinequij ma tlanesi.
7 Nochi inisraelitame, ximotemachica ipan TOTECO,
pampa san yajaya quipiya hueyi iyolo huan san yajaya temaquixtía ajachica.
8 Yajaya quinmaquixtis israelitame tlen nochi inintlajtlacolhua.