25
Bildad quiijto amo aqui huelis mochihuas xitlahuac iixpa Toteco
1 Huajca Bildad, catli ehua altepetl Súa, quiilhui Job:
2 “Hueyi ichicahualis Toteco Dios huan tlahuel temajmati. Yaya quichihua ma onca tlasehuilistli ipan ilhuicactli.
3 Quinpiyaj tlahuel miyac itequihuajcahua hasta amo aqui hueli quinpohuas. Itlahuil ajsi ipan senquistoc nochi ni tlaltipactli.
4 ¿Quenicatza huelis se masehuali moquetzas huan quiijtos para itztoc xitlahuac iixpa Toteco Dios? Amo aqui ipan nochi tlaltipactli itztoc senquistoc tlapajpactic.
5 Toteco Dios itztoc onpano cuajcualtzi hasta eltoc quen nopa metztli huan sitlalime amo quipiyaj ininyejyejca huan amo tleno ininpati iixpa ya.
6 Huajca se masehuali amo hueli quipiya niyon quentzi ipati iixpa. Pampa iixpa Toteco Dios, se masehuali nesi san quen se pilocuiltzi.”