100
Ma tijtlascamatica Toteco
1 Xihuicaca ica paquilistli para TOTECO,
nochi anmasehualme catli anitztoque ipan ni tlaltipactli.
2 Xijtequipanoca TOTECO ica paquilistli.
Huan quema anhualahuij iixpa, xihuicatihualaca.
3 Xijmatica cuali para TOTECO, yaya Toteco Dios.
Yaya techchijchijqui.
Amo timochijchijtoque tojuanti.
Tojuanti tiimasehualhua huan tiitztoque quen tiiborregojhua catli techpixtoc ipan ipotrero para techmocuitlahuis.
4 Quema ticalaquij ipan itiopa, ma tijtlascamatica miyac.
Huan quema tinemij icalixpa, ma tihuicaca.
Quena, ma tijtlascamatica huan ma tijpaquilismacaca.
5 Pampa TOTECO yaya nelía cuali.
Nochipa teicnelía huan tetlasojtla.
Yaya itztos temachtli para nochipa ica nochi masehualme catli tlacajtihualahuij.