120
Netlatlajtili para Toteco ma quimanahui tlen nopa istlacatini
1 Quema niitztoya ipan tlaijiyohuilistli,
nijtzajtzili TOTECO huan yaya nechnanquili.
Niquilhui:
2 “TOTECO, techmanahui ininmaco nopa masehualme,
catli nechistlacahuíaj huan nechejelnamiquij.”
3 Ma moilhuica nopa istlacatini tlaque elis catli ininpantis por iniistlacaticayo.
4 Quintlamicocoyotzase ica cuatlamintli huan quintlatise ipan tlicoli.
5 Nelía niteicneltzi na catli niitztoc ininhuaya ni masehualme tlen tlali Mesec huan Cedar.
Nelía nitlaijiyohuía tlatlajco inijuanti,
pampa niyon se inijuanti amo mitztlepanita, Toteco.
6 Ya nisiyajqui para niitztoc ininhuaya ni masehualme catli amo quinequij ma onca tlasehuilistli.
7 Quema niquincamanalhuía quenicatza hueli tiitztose ica tlasehuilistli,
inijuanti quisencahuaj quenicatza tlahuilanase.