125
Toteco quinmocuitlahuía imasehualhua
1 Masehualme catli motemachíaj ipan TOTECO itztoque neltemachme,
quen nopa tepetl Sion catli amo mojmolinía,
huan ijcatoc cuali para nochipa.
2 Quen Jerusalén quiyahualojtoque miyac tepeme para quimanahuise,
quej nopa nojquiya TOTECO quinyahualojtoc imasehualhua huan quinmanahuía.
3 Toteco amo quincahuilis ma tlanahuatica masehualme catli fiero inintlalnamiquilis,
pampa huelis imasehualhua catli itztoque xitlahuaque nojquiya pehuasquíaj quichihuasquíaj tlamantli catli amo cuali.
4 TOTECO, xiquinchihuili catli cuali masehualme catli cuajcualme,
huan catli xitlahuac ininyolo moixpa.
5 Pero nopa masehualme catli moiyocatlalíaj ica tlamantli catli amo cuali xiquinhuica campa tiquintlatzacuiltis.
Huan ma onca paquilistli huan tlasehuilistli ipan tlali Israel.