130
Ximotemachica ipan Toteco para anmechmanahuis
1 TOTECO, quema nimopantía ipan se hueyi tlaohuijcayotl,
na nimitztzajtzilía para techtitlanilis motlapalehuil.
2 Toteco, techtlacaquili quema nimitznojnotza.
Techchihuili cuenta catli nimitztlajtlanía huan techpalehui.
3 TOTECO, sintla tiquelnamiquisquía nochi totlajtlacolhua,
amo aqui huelisquía moquetzas moixpa.
4 Pero ta nelía titetlapojpolhuía,
para nochi masehualme ma mitztlepanitaca.
5 Na nimochiya ipan ta, TOTECO, para techpalehuis,
Quena, ica nochi noyolo nimotemachía ipan nopa catli techtlajtolcahuilijtoc ipan mocamanal.
6 Ipan noalma senquistoc nitlachixtoc para ta, TOTECO, xitequiti.
Nitlachixtoc para techpalehuis,
quen nopa tlamocuitlahuiani quichiyaj ma tlanesi.
Quena, más nitlachixtoc huan amo quen tlamocuitlahuiani catli tlahuel quinequij ma tlanesi.
7 Nochi anisraelitame, ximotemachica ipan TOTECO,
pampa san yaya quipiya hueyi iyolo huan san yaya temaquixtía tlatoctzitzi.
8 Yaya quinmaquixtis israelitame tlen nochi inintlajtlacolhua.