114
1 De masavaa o Israel ne sao ai ga hano gee mai i Egypt,
gai dangada o Jacob ne hulo gee mai i daho dangada e pasa i muna henua gee,
2 gai Judah ne hai go de mommee dabu o de Maadua,
gai Israel go dono mommee e hodooligi ai.
3 Tai ne gidee, gai gu savini ga hano,
ssaalingaa vai go Jordan ne ahe dua.
4 Denga mounga ne llele saele bei denga ssiibi daane;
denga duuduu ne llele saele bei denga ssiibi gauligi.
5 Tai, gu aha gu savini ai laa goe ma gu hano?
Jordan, gu aha gu ahe dua ai laa goe?
6 Denga mounga, gu aha gu llele saele ai naa goodou bei denga ssiibi daane?
Denga duuduu, gu aha gu llele saele ai naa goodou bei denga ssiibi gauligi?
7 Henua i lalo, bolebole i mada luu mada o de Ia Aamua,
ma mada luu mada o de Maadua o Jacob,
8 go de ia ne haia de baba ga se mommee e hhao ai vai,
gai ne hai de baba ga se saalingaa vai.