5
Beltshezzar te vaa metoi na seu ni Valetabu
1 Imurini na lei niulu tara padi, na vunaghi haba Belshazzar te gonia na vanga kolu sule vanira na togha nina tinoni ni lutu mara nighi inu wine.
2 Tana bona Belshezzar te tona haliua na inu, gaia te nina hevei na bosa ge kara va holai mai na lei seu/kapu ni gold mana silver akukuana, Nebuchadnezzar, te holai tana Valetabu i Jerusalem, keri ge agaia mana lei nina mane nagho, ma lei tauna, maia rana ruani na lei tauna ge kara nighi inu.
3 Ma gaira tara va holai mai na lei kapu ni gold tara holai tana Valetabu nina God i Jerusalem, ma gaia na vunaghi haba maia nina lei mane nagho, na lei tauna, mana lei ruani na tauna tara nighi inu na lei totobo rakiri.
4 Ma gaira tara nighi inu wine ge tara holohaba didira na titinoni tara gonia tara/tana gold, silver, brass/bronze, iron/halo, mana ghai mana vatu.
Belshazzar te righia na lima te gegere
5 Tana bona vaghana keri gaira tara righia na gigiri ni lima ni tinoni te gegere tana vokona na valena na vunaghi haba lilighina na vatei talu. na vunaghi haba heghena tua te righia na lima tana bona te gegere,
6 mana matana ihuna tara kukurodo/begha nia na mataghu. Nia na mataghu sule te kale gaia te luba na hulina mana tuturuna tara vuha ma [pape/aleale] kolu.
7 Ma vunaghi haba ke holora nina lei mane ge kara holora mai na lei mane manaha, mana lei mane tara bosadila na lei totobo kara kale mai tana ngiha, kara holara mai tana naghona. Agaia te bosa vanira na lei mane manaha ni Babylon, “Ahei tua ke lolumi na gegere me toghia vaniu na ghanaghana ilokana ku pupulua nia na tivi te boibongi te vagha na vunaghi haba, mu ku ghalolua nia na ghalolua ni gold tana luana, muku nea geke toluni a vunaghi nagho tana kinakabu.”
8 Mi tana bona lei mane manaha na vunaghu haba tara haghe mai, taho siki sakai itadira ke tangomana na idumiana pana toghiana na gegere na hava na ghanaghana ilokana.
9 Mana vunaghi haba te to mataghu sule ngangata, mana mata te nia maa ghua. Me vaghara ghua lei nina mane manaha tara maa sule ngangata.
Daniel te toghia na gegere
10 Mi tana bona tinana na vunaghi haba te rongovira na vunaghi haba mana lei mane nagho tara padalaghi/bosa vania na hava te kale, gaia te tona me va righia na vunaghi tana voki ni vanga. Me bosa vania Belshazzar, “Aghe na vanaghi haba, ko kabu/vola haia! Ko bei nighi mataghu na lei totobo raini.
11 Sarai/Aeni na tinoni ilokana nimua na kinakabu agaia te loghoa na nina tarunga na lei god te to tabu itatana. Tana bona Nebuchadnezzar na vunaghi haba te vunaghi, na tinoni eni tara sodoa te loghoa na sonihalavu ni manaha itatana, mana manaha eni, mana ghilalaani, te vaghaa agaia te god heghena ghua. Ma Nebuchadnazzar te vilia tua geke vunaghi pungisira na lei mane manaha maira arahei tara diki bosadilai na hava kara kale tana ngiha ni Babylon.
12 Na tinoni ia Daniel eni ke, agaia na vunaghi haba te vatua nia Belteshazzar, te loghoa na lio laga me loghoa na manaha me ke toghighi na lei muturubole, mana lei dilo, maia na maemaneani na lei vahola. Ko holoa Daniel, me ke toghia vanigho na hava na ghanaghana ilokana na gegere keri.”
13 Keri gera va hola haghea mai Daniel vania na vunaghi haba, mana vunaghi haba te huatia, “?Ighoe a Daniel, te holagho mai i Judah geko mai ni kabu pipiti, a kukuagu, Nebachadnezzar na vunaghi haba?
14 Uto, inau tu rongovigho to loghoa na tarunga ni lei god itamua mo logho ngangata na manaha mana ghilala.
15 Na lei nigua na mane manaha mana lei mane kibokibo tara tabotabo na idumiana na gegere tana voko eni, hauva ka, mara mua tangomana.
16 Inau tu rongovigho to tangomana na toghiani mana maemaneani na lei totobo tara vahola. Ma ge ko idumia na lei bosa raini mo ko bosa vaniu na lei ghanaghana iga, muku pupulugho tana tivi te boibongi ni vunaghi haba, muku ghaloluagho nia na ghalo ni gold tana luamu. Mo ko mai toluni tana malei haba tana kinakabu.”
17 Ma Daniel te bosa tughu vania na vunaghi haba, “Ko talugonighi lei nimua na hevei oli, pa ko vahea siki sakai keha. Hauva ka, mi nau ku toghia vanigho so na ghanaghana ilokana na gegere.
18 Aghe na vunaghi haba, God puku ni maana te nea kukuamu Nebuchadnezzar ge loghoa na aha te rongoragha me haba mana holouto/talumava.
19 Ma gaia te talu sulea ge na lei tinoni ilokani na lei kema mana lei leu tara mataghuna na tughuru tana naghona nia na mataghu. Agaia te matera arahei te liona na mateadira, me arovira rahei te liona. Me talumavara rahei te liona, me ke talumurira rahei ke liodira na talumavara.
20 Hauva ka, tana bona na tobana mana liona tara kutuvatu na pukua na talunagho, agaia tara hola horu ta nina na malei sopou ni vunaghi mara hola keha nina rongoragha.
21 Agaia tara tiva keha tana ovu ni tinoni, me loghoa na lio ni maumanu, me kabu kolura na ovu ni donkey. Ma gaia te vanga buburu vagha na buluka, me nia siu na kebu ni kokou, polo ke ghilala God puku maana te vunaghina na kinakabu ni maramana me ke vilia siki sakai agaia te ghanaghana ge ke vunaghi pungisira.
22 Aghe Belshazzar, ighoe to kukuana, mi ghoe to ghilalai na lei totobo raini, hauva ka mo mua talumurigho heghemu.
23 Ighoe to vaa metogho ta God ni kokou mo holai na lei seu/kapu raini te nina Valetabu mo holai mai tamua. Ighoe mana lei nimua mane nagho maira rana lei taumu maira gaira rana ruani na taumu tau nighi inu wine tana bona tau holohaba na god ni silver, gold, brass/bronze, iron/halo, na ghai mana vatu - na lei god tara mua righia mara mua rongovia pana ghilalaana ta siki totobo tua. Hauva ka mi ghoe to mua holohabaa na God te vahegho na aheahe ni vola me righitaonia na manahamu/volamu!
24 Keri ke, ma God te nia vetena na lima eni geke gerei na lei kokoe raini.
25 “Aeni na lei kokoe te gerei, MENE, MENE, TEKEL, PARSIN.
26 Aeni na ghanaghana ilokani na lei kokoe te gerea,
Mene, na ghanaghana ilokana ke idumia. God te idumia tua na lei bongi ta nimua na vunaghi pungisi me hola mai tua tana sosokona.
27 Tekel na ghanaghana ilokana ke kagea. Ighoe tara kage sokogho tua tana vuvungana na maemane me mua tangomana na tabotabo.
28 Parsin ke na ghanaghana i lokana vilivoka. Nimua na kinakabu tara vilivoka tua mara vahera tua rana vure i Media mana Persia.”
29 Mi ta nina na bosa Belshazzar, gaira tara pupulua Daniel nia na tivi te boibongi ni vunaghi haba, maia na ghalolua ni gold tana luana; me lada vaghinia te talu datoa tana toluni na malei sopou ni haba tana ilokana nina kinakabu.
30 Mi tana bongi ia so keri Belshazzar, na vunaghi haba ni Babylon tara labumatea.
31 Ma Darius ni Media te ghoi tabe datoa na kinakabu tana bona te ono hangavulu rua na niuluna.