103
Nina David
1 [Lameagu]/[tarungamu], ko vautoa a Lord,
na lei hegohego udolu tua i lokagu,
kau vautoa na ahana te tabu.
2 [Lameagu]/[tarungamu], ko vautoa a Lord,
mo ko nei nia ponolio gea nina dolo gaia.
3 Gaia te talukehai na lei palugu,
me kisu ghaotai na lei vahaghigu.
4 Gaia te hola oliu tana mate,
me vautou nia nina dolo mana veiarovi.
5 Te kutiu nia na lei totobo uto,
mi tana bona tu mane vaolu mua
te neu ge u laga vaghaa na manu kama.
6 A Lord te dete maemane
me nira pala gaira tara vahaghitaili,
me hera na hava te manadira.
7 Gaia te tatei na lei nina padalaghi vania Moses,
ge kara righia na vure ni Israel na lei nina lutu.
8 A Lord te veiarovi me dolo,
te mua mina rutu, me dolo talau.
9 Gaia te mua kene taonia na palu,
me mua mina rutu daro bona vanighita.
10 Gaia te mua heghita na totoro te manani na lei paluda,
me mua tughui nia na dika na lei hahi ta gonighi.
11 Me vaghaa na datona na oka i vuvungana na maramana,
te vaghaa ghua na sulena nina dolo vanira tara talumavaa.
12 Na hauna i ulu te vaghaa ghua i boko,
keri te vaghaa na hauna te lavikehai va na lei paluda, a Lord.
13 Me vaghaa tamadira te arovira na lei dalena,
vaghaa ghua keri a Lord te arovira gaira tara talumavaa.
14 Gaia te ghilalaa na hava tara gonighita nia,
me manahana ighita na pughu ni pari.
15 Na volada ighita te vaghaa na buburu,
[me ke totolo]/[mana ladana] te vagha na hahanga ni ghai.
16 mana ghuri te vaho kehaa,
me mua righia tua siki sakai.
17 Gaira ghua tara taonighi na lei nina baubahu,
mara taluutunighi nina lei vetena.
19 A Lord te talu na malei sopouna i kokou,
mi ga te haba pungisighi mai na lei totobo soko.
20 Kau holoutoa a Lord, ghau na lei angel laga,
tau taonighi na lei nina bosa ni keikeri,
mau rongovia na bosana.
21 Holoutoa a Lord ghau na lei nina maana i kokou,
ighau na lei nina ovu ni lutu tau taoni na liona.
22 Holoutoa a Lord, ghau na lei totobo te gonighau,
mana lei komu ta nina righitaoni.
[Lameagu]/[tarungagu] ko holoutoa a Lord.