Buka Lima 107 - 150
107
Holoutoa Yahweh/Lord, gaia te uto lee!
Ma nina dolo veiarovi ke kabu kasila.
Arahei tamiu a Yahweh te huiolighau, kau bosa tatea,
Kau bosa vanira na vuresubo, agaia te vavolaghau tana ghamiu na levunimate.
Ma gaia ke vahikolura tara rughuhoru tana lei komu,
i ulu, i boko, i lau, mi longa.
Mana balu tara tona hahi tana bona mamaha,
ge ra sivi me taho na komudira.
Ra vitolo mara haga inu,
agaira tara dutu ni mate.
Gaira tara nighi ngangaraha didira na vahola, “Yahweh/Lord, ko hangara/hangaru!”
me volara didira vahaghitaili.
Te uhuli maemane tatavahalera,
vaa tana komu kara ghahara iga.
Ma kara hea mughua na holouto itatana Yahweh vania nina dolo te sule,
na pukuna nina lei lutu te nei vanira te haeharegha.
Agaia te vaa togholuvura tara haga inu,
me va mahura tara vitolo nia na lei totobo uto.
10 Na balu tara sopou tana pungi mi tana ungaunga ni mate,
na tinoni pipiti vesikana tara pitia nia na tali halo.
11 Agaira tara hughuhughua na bosana God,
mara batobatoa mara mua talumavaa gaia te haba.
12 Me vagha keri ge goti/goru horura nia na lutu papara,
ge ra kutu, taho ahei ke hangara ge kara tughuru dato.
13 Gaira tara nighi ngangaraha didira na vahola, “Yahweh/Lord, ko hangau/hangara!”
me volara ta didira na vahaghitaili.
14 Agaia te uhuli kehara tana pungi mi tana ungaunga ni mate,
me sagui/bohai/tagotighi didira na alo ni pipiti.
15 Ma kara hea mughua na holouto itatana Yahweh vania nina dolo te sule,
na pukuna nina lei lutu te nei vanira te haeharegha.
16 Me goti horui na mataulani [ni bronze] na lei vale pipiti,
me haurakei na lei peo ni talihalo.
17 Na balu tinoni bule tara nighi vahaghitaili didira na kabalaghi,
na pukuna didira na hughuhughu.
18 Didira na lioliogha te tagha tua,
na mate te dutu tua.
19 Gaira tara nighi ngangaraha didira na vahola, “Yahweh/Lord, ko hangau/hangara!”
me volara ta didira na vahaghitaili.
20 Agaia te bosa, ge ra kisu volara,
ge sagau kehara tana mataula ni mate.
21 Ma kara hea mughua na holouto itatana Yahweh vania nina dolo te sule,
na pukuna nina lei lutu te nei vanira te haeharegha.
22 Lubatira gaira ge kara nia sukaghi na sukaghi holouto,
ge kara linge rivurivu vania nia nina lei lutu te haeharegha.
23 Na balu tara rughuhoru tana lei vaka,
mara kalitighi didira na lei lutu mara sabisabiri mara hunuhunulu tana maramana.
24 Gaira ghua, tara vatoghai/righighi nina maana Yahweh te nei tua,
maia te lutui te haeharegha tana tahi lalo.
25 Gaia te bosa, mana ghuri te tavuvu,
mana unuunu te tipo.
26 Ma didira na vaka te sonisonia tana oka/tahi, me ghoi lulumi horu tana horara,
mana lei tinoni lutu tara mataghu ghebeghebe.
27 Gaira tara tapele mara tumu sapa longa vagha na tinoni te inu bulebule.
mara mua ghilala na hava tara gonia.
28 Gaira tara nighi ngangaraha didira na vahola, “Lord, ko hangara!”
me volara ta didira na vahaghitaili.
29 Gaia te vaa betoa na maraghata,
mana tahi te beata.
30 Gaira tara togotogo na pukuna te beata keri,
ma Yahweh te lavi tatavahaleghita nia mai tana logu.
31 Ma kara hea mughua na holouto itatana Yahweh vania nina dolo te sule,
na pukuna nina lei lutu te nei vanira te haeharegha.
32 Lubatira gaira ge kara talu haba tana matadira na vure subo,
maia ghau tana matadira na lei tinoni uhuhuli tana lei kema.
33 Gaia te liliui na lei beti ge liliu ni bona mamaha,
mana vuravura ni beti ge ra mamaha.
34 Gaia te liliu na pari vangagha ge liliu na pari dika,
na pukuna gaira tara ghahara iga tana dika.
35 Ma gaia te liliua na bona mamaha taho iga na beti mana ghai, ge liliu ni kolokama,
mana pari mamaha, ge liliu na vuravura ni beti.
36 Te talura iga tara vitolo ge kara ghaha iga,
ma kara kisu iga na komudira.
37 Gaira tara vadei didira na leghai, mara subasuba tana leghai ni grape,
mara lavi ni vaghani didira na vanga te hali.
38 Gaia te vautora nina vure, ma kara vahuhura subora na lei gari.
me vaa subora na didira na maumanu kukuti ke haia laghi.
39 Tana bona ghadira na levunimate tara lagavulera nina vure God ke, gaira tara kubolu,
mara vahaghitaili mara dikalio na pukuna didira na vahola.
40 Ma Yahweh te nia sika na vinahogho tara vahaghitailira,
ge ra ole sebala tana bona mamaha, e taho iga na lei halautu.
41 Hauva, me volara na bona ta didira na vahaghitaili,
me suboi didira na binaboli te vagha na ovu ni sheep.
42 Ahei tara reirei kale kara righia ma kara togo,
ma gaira tara dika kara todore.
43 Ma gaira tana manaha kara lavipangotighi raini tana tobadira,
ma kara righia tana vavatada nina dolo Lord te sule.