124
Na linge ni tona dato, nina David.
Ke vagha Lord ke mua nighita pala ke,
ma rana Israel kara bosa,
Ke vagha Lord ke mua nighita levu pala ke,
ghua nighi na vure kara tughuru dato,
ma kara hughuhughu kolu i tatada.
Geva kara sonomi vola ghita,
na pukuna didira na rutu papara itatada.
Ighai tai lulumi tana beti,
mana tave hogha te tao pungisia na volamami.
Eo, te vagha ghua so na karaha ni tahi
te tao pungisia na volamami.
Ka holoutoa Lord, te mua lubati[ghai]/[ra],
ge kara golu vokaghai nia na livodira.
Mi ghai tai vagha na manu te lovo keha tana vugho.
Te tarosi mai tatavahale.
Dida na hahanga te va mai itatana Lord,
te gonia na parako mana pari.