135
1 Holoutoa Lord, bosa utoa na ahana,
holoutoa gaia, ighau tau gehegehe vania.
2 Ighau tau gehegehe tana valena Lord,
mi tana bebetena na valena dida na God.
3 Holohaba Lord, agaia te uto lee,
kau nia togotogo, ma kau nia rivurivu.
na ahana nia na ghalevu ghalo.
4 Gaia Lord te vilia heghena Jacob,
Ma Israel nina puku ni lologho.
5 Inau tu ghilala, gaia Lord te haba,
Ma dida na God te haba vulera na lei god soko.
6 gaia Lord te nei na lei totobo te togotogogha,
lokana na kokou mana pari,
mi vuvungana tahi oka mi lokana na lalo.
7 gaia te nea na parako,
ge pupulu dato mai vuvungana na pari tina,
me nia vetena na uha kolu viti,
ge kubolua na ghuri tana matakenena.
8 Gaia te haurakera na lei meomeo kamanagho Egypt,
tana lei sopa valedira,
kolura nia na tinoni mana lei maumanu [kamanagho].
9 Gaia te gonighi na butuli,
mana lei vaughilala mamaromangana Egypt,
Pharaoh ma nina vure tana bubu.
10 Gaia te buto kubolura na lei kema laga,
me pisura na lei vunaghi haba.
11 Sihon na vunaghidira na kema ni Amon
Og, na vunaghidira rana vure i Bashan,
mana lei vunaghi soko i Canaan.
12 Gaia te vahera na pari ni tunuva nina vure,
me vahea Israel puku ni tunuva.
13 Na ahana Lord ke kabu kasila,
mana rongoraghamu ighoe Lord,
na lei vavata kara ghilala utogho.
14 Gaia Lord, ke talu maemanera nina vure,
me arovira na lei nina tinoni lutu.
15 didira na titinoni na silver mana gold,
na malei lima ni tinoni, na totobo lee vamua.
16 Na mangadira itadira kara mua nighi kokoe,
mana matadira itadira kara mua nighi reirei.
17 Mana logho kulidira ghua,
kara mua nighi rongo,
mana ihugha ghua kara mua nighi urumi.
18 Gaira tara gonira tara vaghara so gaira,
hauva mara varava so itadira.
19 Rana Israel,
holoutoa Lord,
na lei nina mane ni sukaghi Aaron,
holoutoa Lord.
20 Ighau tana kemana Levi,
kau holoutoa Lord,
Ighau tau nia kikinima Lord,
Kau holoutoa gaia.
21 Ighau tau ghaha ghau i Zion,
holoutoa Lord, gaia te kabu i Jerusalem.