138
Na linge nina David.
1 Inau tu holoutogho, ighoe Lord,
nia na tobagu udolu,
mu ku lingei nimua na holouto
tana matadira na lei god keha.
2 Inau ku tongaghi vanigho tana valemu te tabu,
tana bona ku holohabagho,
mu ku holoutoa na ahamu,
na pukuna to nera tughuru kakai,
nimua na dolo mana baubahu te mua tughu
tana talu suleana na ahamu.
3 Tana bona tu kokoeliulivuti,
ighoe to bosa tughu,
mo vaheu mai na patupatu mana laga te managu.
4 Na lei vunaghi haba tana maramana,
kara holoutogho ighoe Lord,
gaira udolu kara rongovia na bosamu.
5 Eo, gaira kara lingei na lei halautumu, Lord,
Na pukuna na rongoraghamu te sule ngangata.
6 E utuni gaia Lord te haba vule,
gaia te pangotira tana talu pilera,
me tabalili keha sanira tana lio nagho.
7 E utuni, na lei nigua vahola tara utu talighutui,
mi ghoe vamua to pilupungisiu
ta didira na rutu papara
na ghagua na kana,
mo kaputighi na limamu,
pungisira tara rutu,
ma nimua na maana te righitaoniu inau.
8 Gaia Lord vamua ke padalaghi kaekagea vaniu na volagu,
na pukuna nimua na dolo kikinima te kabu kasila.