143
Nina kokoeliulivuti David.
1 Lord, ko rongovighi mai nigua na kokoeliulivuti,
mo ko holopangotighi tu kurutigho mo ko bosa tughui vaniu mai,
na pukuna nimua na lio kikinima mana maemane.
2 Bei lubatia nimua na tinoni lutu tara tabotabo,
taho ahei ke maemane tana matamu.
3 Na ghagua na levunimate tana ghuru,
me labu horu tana pari me neu inau,
mu ghahau lokana na pungi,
vaghara gaira tara ghahara lokana na gilu.
4 Na lei ghanaghanagu soko te totobo lee vamua,
mu nia sosoko ni labu tua na matagu.
5 Inau tu ghanaghana olighi na lei bongi idania,
mu kene olighi na lei nimua na lutu te haeharegha,
tu ghanaghanai nimiu na lei gehegehe te sule.
6 Inau tu mamangaha mu kene taonigho,
te vagha na pari mamaha te haga inu,
te liona na kolobu ni uha ge ke vaa malobua.
7 Lord, mina, mo ko mai,
mo ko bosa tughu,
na pukuna nigua na vahola te sule ngangata,
ko bei saniu ku mate gea.
8 Tana puipungi ko lubatiu,
ge ku varongohia nimua na dolo,
te mua soko varangagu,
ko tughunitatea vaniu mai na halautugu,
inau tu mai tana matana ta nigua na kokoeliulivuti.
9 Ko volau ghe Lord, itadira ghagua na levunimate,
Inau ku sama kodo tamua ge ku vola.
10 Taraiu ge ku taonia na liomu,
ighoe nigua na God,
ge nimua na tarunga ni utuni
ke uhuliu tana halautu te kaekage.
11 Ghe Lord, na rongoraghana na ahamu,
ku nia vola, ma nimua na maemane ke lavi kehau tana sosodo eni.
12 Nia nimua na dolo te mua mautu,
ko lavi kehara ghagua na levunimate,
na pukuna inau nimua na ghairau