20
Na Kokoeliulivuti ni Lagavule
1 Tana lei bona ni gunaguna,
a Lord ke rongovia mai nimua na tangi.
Nina God Israel ke pilupilugho tana lei sosodo.
2 Gaia ke nia vetena vanigho mai
na hahanga ta nina vale tabu,
me ke vahegho mai na laga i Jerusalem.
3 Gaia ke lavipangotighi nimua na lei sukaghi
me ke righitaonighi nia na liouto nimua na lei sukaghi kekere.
4 Gaia ke vahegho na hava te liona na tobamu,
me ke nei nimua na lei ghanaghana ge ke tangomana.
5 Keri ge ighai kai nia ghu na rivurivu ta nimua na lagavule,
ma kai nia talunagho na togotogo na holohabaana dida na God.
6 Itaeni inau tu ghilalaa a Lord
te vavolaa nina vunaghi haba te siusiua nia na oil/oele.
Gaia ke bosatughu vania mai kokou
me ke vavolaa nia na maana sule.
7 Na balu kema tara [kokoe talunaghora]/[taluutunira] didira na lei mane ni kisumate
maia didira na tinabe ni veitotoghoni,
hauva mi ghita ka [kokoe talunagho]/[taluutunia] itatana Lord dida na God.
8 Na lei kema kiri kara saisari kiba ma kara tumu,
hauva mi ghita ka tughuru dato ma ka tughuru ngasi.
9 Vahea va na lagavule nimami na vunaghi haba, Lord!
Ko bosatughu vanighai mai tana bona kai hologho.