47
1 Mai ghau na lei vure soko,
Kau tapoi na limamiu nia na rivu!
Kau ghuu dato vania God nia na togotogo mana rivurivu.
2 A Lord puku na maana te haba va,
Agaia na vunaghi haba tana maramana udolu.
3 Agaia te taluhorura na lei kema i sarada;
me talura na ghada levunimate i sarana marevoda.
4 A gaia te vilia vanighita na komu ni baubahu te vagha na bonada;
Tana bonadira na lei kukuana Jacob te dolovira.
5 A God te nia dato na ngingili rivurivu
Ma Lord te nia dato na talama ni tavuli.
6 Kau linge holouto vania God, linge holouto,
linge holouto vania dida na vunaghi,
kau linge holouto!
7 A God, gaia na vunaghi haba tana maramana talighu
kau holohabaa nia na Linge holouto.
8 A God te vunaghi pungisia na maramana udolu;
agaia te Kabu ta nina mali sopou te haba.
9 Rana lei haba ni maramana tara kabu sakai sonikolu.
Agaira tara hangaghita tana holohabana na God ni Abraham.
Na lei vunaghi ni maramana a nina God.
Agaia ka nia kikinima ivei mi vei.