75
Nia na tinoni gehelinge: na linge nina Asaph, Linge taonira na hulu (tangi na linge) “ko bei haurake.”
God te Dete
1 Ighai tai holoutogho ighoe God.
Ighai tai holoutogho ma Ai ladavaghinia nimua na rongoragha:
mi ghai tai bosai na lei totobo uto to gonighi tua.
2 God te bosa, “Inau tu talua tua na bona ni dete:
Inau ku detera rana dika nia na maemane.
3 Tana bona te aleale na maramana mana vure te kanoragha,
Inau so tu tabe ngasilia na berena.
4 Mi Inau tu bosa vanira rana tangohahi, ge kara bei talu naghora:
mu bosa vanira rana dika, kara bei magharo ghua.
5 Ko bei haua na limamu ma na rutu vaa i kokou
Pa ko bei kokoe hughuhughu mana bosa talunagho.
6 Na nilabu ni dete te mua va mai ulu pi boko: mi lau pi longa.
7 A gaia God heghena vamua te dete
me hurukalera na balu, me mua kalera na balu.
8 A god te tabea na kapu tana limana:
Ma kaikavi haghea na wine laga me rutu.
Ma gaia te kovala na wine, ma rana dika tara inuvi sokoa.
9 Inau ku mua ghoi soko na bosana God ta Jacob.
Mu ku linge holouto vania God ni Israel.
10 Ma God te ghaghua, “Inau ku pusi keha na lagadira rana dika,
ma didira na maana rana maemane ke tona haliu.