82
Nina linge Asaph
1 God te sopoulia na dete i kokou:
me nia hevei horu mai nina bosa ni dete te detera,
rana ovu ni dete i kokou:
2 “Ighau rana dete, kau sania na dete sorisori?
Ma kau bei nira pala rana dika,
tau nighi hevei horu nimiu na bosa ni dete!
3 Kau na barebare na uto vanira rana bona,
ma tara mua tinagha ma ra tamagha:
kau kage utoa vanira te manadira na hahanga,
ma gaira te taho siki sakai ke hangara.
4 Kau volara raini: tana limadira na vure dika.
5 Gaira kiri tara mua manahagha,
mana vahaghitailira na tinoni,
na pukuna tara sakutua tana pungi.
Keri ge taho siki totobo uto pe ke utuni lokana na maramana.
6 Inau tu bosa, “Ighau ke na lei god,
tau tabe tughua God tana dete ni maramana.
Ighau udolu dalena na Haba i kokou.
7 Kau mate udolu vaghara na lei tinoni soko,
ma kau tumu vaghaa so siki dale vunaghi.”
8 God, ko mai, mo ko detea na maramana:
a nimua udolu ighoe na lei kema soko.