85
Vania na tinoni gehe linge: na linge nina kemana Korah.
1 Lord, ighoe to arovira na vure ni komumu;
ighai to nea Israel ge ghoi tangomana.
2 Ighoe to talukehai na lei paludira kulamu na vure:
mo saro poloi na lei dika tara nei.
3 Ighoe to mua rutu vanira tua,
mo laviolia nimua na lio ni gunaguna itadira.
4 God, ighoe a nimami maana ni huioli:
ko laviolighai mo ko bei rutu vanighai tua!
5 Ko rutu haliu vanighai tua?
ke mua soko tua nimua na lio ni rutu?
6 Ko neghai ge kai ghoi laga oli,
ge ighai kulamu na vure kai holohabagho.
7 Lord, ko tatea vanighai nimua na dolo te mua ghoi keha tua:
mo ko heghai mai nimua hahanga ni huioli.
8 Inau tu rongovia na hava a Lord God te bosaa:
Ighita kulana vure te bahughita nia na mabo,
ka ba mua va olighi olia na lei nilabu ni bule.
9 E utuni, gaia te pitudila so ge ke vavolara gaira tara ghanaghana mavaa:
ma nina rongoragha ni vola ke vonughia tana komuda.
10 Na dolo mana utuni toro topokolu tua:
na uto mana mabo toro tabelima ghua.
11 Na [utuni]/[taluutuni] ke suaka dato mai tana pari:
mana [uto]/[maemane] ke reihoru mai kokou tana parako.
12 A Lord te heghita na lei totobo uto,
me nia dida pari ge hali gaa na vanga.
13 Na [utuni]/[maemane] ke idevia a Lord,
mana halautu ke gonidila vania.