4
Na God Vatei Tari Bulu Mana Ghai Na Olive.
1 Mana angel te kokoe kolu mi inau toro pulohi me alihiu, te vagha tu maturu.
2 “Na hava to righia taeni?” e ghaghua. Inau tu bosa tughu, “Inau tu righiana malei sopou ni tari bulu tara gonia nia na gold. kolua na popo ni kokolo i vuvungana. Talighutia na popo e vitu na bulu, mara sopa ighoe na vatei talu ghalodia.
3 Mau tu righia e rua na ghai na loive, sakai sopa levuna na popo.”
4 Mi inau tu huatia na angel, “Inigua na lord, na hava raini? Na ha'a na ghanaghana ilokani?”
5 Mana angel te ghaghua, “Omua ghilala?” “Taho” nigua na lord,” ghaghua vania.
6 Mana angel te bosa vaniu, iani gaia a lord te bosa vania Zerubabel: Te mua totobo to hughitia te mua mai tana laga, mi tana tarunga, ghaghua a lord pukun maana.
7 Taho, sughua na ghotu, ke tughuru pungisia na halautuna Zerubbabel: Me ke taotano na ghotu ta nina sara mai! Ma gaia ke talua na vatu tana vale tabu mana vure kara nina ghaeghahe: God ke va tabua, God ke va tabua.
8 Me ghoi mai vaniu so a sakai na bosa itatana lord:
9 Zerabbabel tu vilia gaia ke gonia nigua na vale tabu, ritini tana sosokona. Ge kau ghilala a lord te vetenau inau.
10 Kau bei nia hughuhughu na pile vuivuni, na pukuna lord te nia togotogo te righia na lutu te vuivuni tua, kau vaevane na maemanena tana limana Zerubbabel. Ma gaighi ra vitu na bulu e vitu na matana Lord te mata veiveia na maramana talighu.”
11 Mi inau tu huatia na angel, “Na hava na ghanaghana gaighi rua na ghai ni olive toro sopa sopu ilevu ni levuna na malei sopou ni bulu,
12 mana hava ghua e rua na oto ni mane nia na golu toetore toro toetore horu ga na kokolo?”
13 To mua ghilala,” e ghagha. “Taho nigua na lord,” u ghaghua vania.
14 Ma gaia te ghaghua vaniu, “Agaira tara tughutra erua tara siusiura kara hanga lord na righitaoniana na maramana udolu.”