6
E Vati Na Taitakiro.
Inau tu ghoi rei va mu righira evati na taitakiro tara mai tana ghobudira e rua na ghotu halo. na vuivuni ni taitakiro ke na horse sisi te laghia, me ruani na horse bili. Me toluni na horse te tunutunu me puraha. Mi Inau tu huatia na angel te kokoe kolu'u, na ha'a na lei totobo raini, ghe nigua na lord?” Ma gaia te bosa, raini ra vati na tarunga ni kokou tara tughuru tana naghona lord tana maramana udolu. Agaira tara righuhoru gekara ghonia nina lutu. Na taita kiro te laghia na horse bili te tona va hau, na taitakiro te laghia na horse pupura te tona va i boko, mana horse te laghia na horse te tunutunu paraha te tona va longa. Ma gaira tara loghoa na maana te sule mara liona ngangata na ton, ge kara righitaonia i muri ni nagho sogha halavu tana maramana. Ma lord te ghaghua, “Kau tona makau righitaonia na maramana.” Ma gaia tara tona gekara va righitaoni. Ma Lord te vetenau me ghaghua, “Agaira tara tona ilau kara va taluatea nina rutu na nigua na tarunga iga.”
Na Taluana Na Kepu Ni Vunaghi Ta Joshua.
Mi inau te ghoi saraviumai a sakai nina rongovengo lord. 10 Ko holai na hevei oli kara hegho rana vure kabu pipiti i Babylon. Kara mua rua ni sara mua ke, meko va sodoea tua tana komuna Josiah na dalena Zephaniah. 11 Holopangotoghi didira na hevei oli mo ko gonia na kepi ni vunaghi ma na gold mana silver. Makau talua na kepi na kepi ni vunaghi tana uluna Joshua na dalena Jehozadak, na puku ni mane sukaghi haba. 12 Ko bosa vania te vagha na ha'a lord pukuni maana te bosa, Aeni lagana, me ke gonia nina vale tabu lord. 13 Agaia ke gonia nina vale tabu lord, ma gaia ke hola na vunaghi haba ma gaia ke vunaghi vagha na vunaghi haba tana malei sopouna. Ma gaia ke lutu vagha ghua na mane sukaghi. Ma rogaira koro lutu koukolu vamua ta sakai lio maemane mana mabo vamua. 14 Na kepi ni vunaghi ka vagha na vatei ghanaghana oli ke ghaha ta nina vale tabu lord ge kara holoha nia rahei tara nia hevei te vaghara Heldai, Tobijah ma Jedaiah maia Josiah na dalena Zephaniah.” 15 Subo tana lei komu hau kara mai makaragoni olia nina vale tabu lord. Mi tana bona te kale eni, ge kau ghilala a lord te vetenau mai tamiu. Na lei totobo raini ke kara kale, ge kau taeni utoe lei ninia vetena a lord nimiu na God.