24
Nyangka Tjutjayilu kutjupa-kutjupa walykumunu palyarayirnu mirrirringulta. Nyangka-ya palunyaku katja tjunu puurrpa nyinarratjaku. Nyangka palyamunu palyaranytja. Palunyalu rawamaalpartu puurrpa nyinangu wiyarringu.
Nyangka-ya palunyaku kurtalpi tjunu puurrpa nyinarratjaku. Nyangka puurrpa palunyalutarrartu palyamunu palyaranytja. Palunyalu mirrirringu. Nyangka palunyaku katja puurrpa nyinarranytja.
Puurrpa Tjuyakinya-ya Tjulyara Katingu Papulantakutu
8 Nyangka wati yini Tjuyakinya ngurra Tjurutjamala puurrarringu nyinangu rawamaalpartu puurrpa wiyarringu.
9 Palunyalu Mama Kuurrku wangka kulira palyaranytjamaaltu kutjupa-kutjupa palyaranytja, tjiinya palunyaku mamalu palyaranytja, palunyapirinypa.
10 Nyangka-ya warrmarla pirni Papulanngamartatjilu pitjangu yiwarla Tjurutjamanya parrayangatjunu kanyiranytja. Palunyalu-ya yarnangu pirninya yurakanyiranytja. Nyangka-ya purtu kuliranytja pakara kukurraalkitjalu.
11 Nyangka puurrpa Napitja Papulanngamartatjinya marlawana pitjangu-tjananya lurrtjurringu nyinarranytja.
12-14 Nyangka puurrpa Tjuyakinya palunyaku yungarrapirtitarrartu-ya pakarnu yinytjanurringu ngaralanytja. Nyangka puurrpa Napitjalu-tjananya karrpira katingu ngurra nyarra Papulantakutu. Yarnangu pirninyatarrartu karrpira katingu. Palunyalu-tjanampa walykumunu pirni tjurrtjungkatja kartarntaralpi yurrara katingu ngurra Papulantakutu. Tjiinya Mama Kuurrtu kurranyululpi watjarnu wantingu. Palunyapirinypa ngarangu.
17 Nyangka puurrpa Napitjalu Tjuyakiku mama marlangkatjanya tjunu puurrpa nyinarratjaku ngurra Tjurutjamalawana. Palunyalu yini kutjupa-lu tjapirnu Tjatikayinya.
19 Nyangka Tjatikayilu Mama Kuurrku wangka kulira wantirranytja. Palunyalu kutjupa-kutjupa palyamunu palyaranytja.
20 Nyangka Mama Kuurrnga-tjanampa mirrparnarringu yarnangu nyarra Tjurutjamalawana nyinapayi pirniku. Palunyalu-tjananya yirringkankutjamaaltu wantingu.