23
Puurr, Nyuntulu-rnin Miranykanyira Kanyilpayi
1 Yuwa Puurr, nyuntulu-rnin miranykanyira kanyilpayi.
Tjiinyakurlu watilu tjiipu miranykanyinma.
Palunyapirinytju-rnin miranykanyira kanyilpayi.
Nyangka-rna pirnipurlka kanyira
nyuntulu-tjun nintiranyangka.
2 Patalypa-rna nyinarranyangka nyuntulu-rnin nyinatjunkupayi
yukiri walykumunungka.
Palunyalu-rnin walara katipayi
kapi warla walykumunukutu.
3 Kurltjirr-kurltjirrpa-rna nyinarranyangka
nyuntulu-rnin kurrurnpa yipilymara kanyilpayi.
Puru-rnin yiwarra tjukarurruwanalu walara katipayi,
tjiinyamarntu-rnin kalkurnu wantinytjatjanulu.
4 Kamu-rna ngurlurriku mirrirrikitja.
Tjiinyamarntu-lin lurrtjurtu yankulayirni.
Nyuntulu-rnin wartatjarralu paalytjura kanyilpayi.
Tjiinyakurlu tjiipu miranykanyilpayilu warta kanyinma
papa nganyirri purlkanya pungkukitjalu.
Palunyapirinytju-rnin walara katirrayilpayi.
Nyangka-rnanta kurrurnpa rapalu wanarayirni.
5 Nyuntulu-tjun mirrka kutjupa-kutjupa pirni palyara tjunkupayi,
yanyan-yanyanpa pirnilu-rniya nyakulanyangka.
Palunyalu-rnin pukurltu yarltipayi pitjala-rna mirrka ngalkulatjaku.
Puru-tjun panikinta tjutira mulyawiilymankula tjunkupayi purlkanya-rna tjikiltjaku.
6 Yuwa, nyuntulu-rnin ngarltunytjulu tirtu kanyinma.
Nyangka-rna nyuntuku ngurrangka tirtu nyinaku nyinama.