2
Tjuutaku Wartangkatjalu-ya Tayipirrnga Nyinatjunu Wantingu Puurrpa Nyinarratjaku
1 Nyangka Tayipirrtu Mama Kuurrnga tjapirnu, “Yaaltjirriku-latju? Tjinguru-latju marlaku kutipitjaku ngurra nyarra Tjuutalakutu. Palunyalu yiwarla kutjupangka nyinama.”
Nyangka Mama Kuurrtu watjarnu, “Yuwa, marlaku-ya yarra nyinama.”
Nyangka Tayipirrtu tjapirnu, “Ngurra wanytjangka?”
Nyangka watjarnu, “Ngurra Yapuranta.”
2 Nyangka mularrpartu Tayipirrnga kurri kutjarratjarra pakara kutipitjangu Yapuranta nyinarranytja.
3 Nyangka-ya wati nyarra Tayipirrnga wanalpayi pirninya kurri tjilkutarrartu lurrtjurringkula yanu ngurra palunyalawana parranyinarranytja.
4 Nyangka-ya wati Tjuutaku wartangkatja pirninya pitjangu Yapuranta lurrtjurringu. Palunyalu-ya uyilpa Tayipirrta katangka tjutiralpi watjarnu, “Nyuntunya-lampatjun puurrpa nyinama.”