126
Olwembo nʼotiina e Yerusaalemu.
1 Musengwa ni gatugobosa mu Sayuuni ohuŋwa mu busibe,
hwali hyʼabaloota.
2 Hwejula amamwemwe era hwemba nʼesangaalo.
Nga abanamawanga baloma baati,
“Musengwa abaholeeye ebyeŋunjisa!”
3 Musengwa atuholeeye ebyeŋunjisa
era huli basangaafu.
4 O Musengwa, tugaluse bunyaaha
hyʼefula ngʼolu yejusa enjabi ejomeera mu Negevu.
5 Abo abamwa ni balira
baja huhungula ni basaŋalya.
6 Atiina ohumwa nʼalira
aligaluha engo nʼahubba ebigalagala
era ni getwihire emiganda jʼamakungula.