13
Yʼomutangirisi wʼabembi. Ezabbuli ya Dawudi.
1 O Musengwa, olyosa ŋe ohunjerabira emirembe nʼemirembe?
Olyosa ŋeena ohunjehweha?
2 Nja hwosa ŋe ohwehaliriha ebigosi?
Nahoose ŋe ohuba nʼenaku hu mwoyo gwange omuusi nʼowiire?
Omulabe wange aja hwosa ŋe ohutyakirira?
3 O Musengwa, Hatonda wange,
kwegayirira wuupe ehi kusunga.
Ngobosemo amaani, otandeha hufa.
4 Abalabe bange baja huloma baati, “Humuŋanguuye.”
Era singa bapangula, hija hubaleetera ohusaŋalya.
5 Aye kwesiga olwohuba wunyenda bugali,
era sangaalira obununuzi wuwo.
6 Nja hwembera Musengwa
olwohuba mulaŋi eyi ndi.