11
ጴጥሮሳ ፋ ኦችዳኖ የሩሳላመ ዎሳ ኬꬅስ ኦህዳ
1 ሐዋሩንꬅን ይሁዳ የዘ አማንዙንꬅ፥ አይሁደ ማቆሱንꬅን ጾዘ ቃላ ኤክዳኖ ስእዳ።
2 ጴጥሮሳ የሩሳላመ ቅትደ ዎደ ጋራዝንትደ አማንዙንꬅ፥
3 ኤጎ፥ «ነ ጋራዝንትካይዙንꬃጎ ገሊ ኡንታራ ካꬃ አኮስ ሙእዶ?» ጋእ ላልዳ።
4 የዝን ጴጥሮሳ Ꮉንዳኖ ቲኖፓ አይኪ ታራራ ታራራ ኦህዳ፦
5 «ታኒ እዮጴ ካታማ ጾዝ ዎስተራ ቆንጭꬅ ብእዳ። ዳማ አፉላ አዝዘ ባዝ ኦይዲ ዛላራ አይክንቲ ሳሎፓ ዎꬍተራ ታጎ ይእዳ።
6 ታኒ ዳኪ ሎይꬂ ኤ ግድቶ በእዘ ዎደ ኦይዲ ቶሄራ የዘ ጉርደ ጾꬁንꬅ፥ ሳዛራ ጎችንትዘ መꬎን ሳሎ ላንዱንꬃና ብእዳ።
7 ‹ጴጥሮሳ፥ ደንዲ፥ ሹኪ ሞኦ› ጋዘ ቃላ ስእዳ።
8 «የዝን ታኒ፥ ‹ላꬆ፥ አደ፥ ቱና ባዝ ዎይ ጌዥካይዘባዝ ሙሎን ዶናጎ ሺሺ ኤሮስ› ያጋይዳ።
9 « ‹ጾዚ ጌሽዳኖ ኔኒ ቱና ጋእፐ› ያጋዘ ቃላ ላምእንꬃ ሳሎፓ ይእዳ።
10 «ይና Ꮉይꬕ ቶሄ Ꮉንዳንፓ ሱባ፥ ማቂ ኡባ ባዝታ ሳሎ ኡደ ኤክንትዳ።
11 ይና ሳተ Ꮉይꬕ አሱንꬅ ቂሳርያፓ ታጎ ኪትንቲ ታ የዘ ኬꬅተ የልዳ።
12 ሶእካይዛራ ኡንታራ ቅቶደ ጋር አያና ታስ ኦህዳ። ማህ Ꮉና እዝፑን እሹንꬅ እዮጴፓ ታራ ቂሳርያ Ꮉንግዱንꬃራ ቆርነልዮሳ ካራ ገልዳ።
13 ኪታንቾ ኤ ካራ ኤቂ፥ ‹እዮጴ ኪቲ ጴጥሮሳ ጋእንትዘ ስሞና ጼግዞ።
14 ነናን ነ ካራ አስ ኡባ አሽዘ ቃላ ኤ ኔስ ኦሆዳ› ጋይዳኖ ቆርነልዮሳ ኑስ ኦህዳ።
15 «ታኒ ኦሄ አይክዘ ዎደ ጌሽ አያና ቲኖ ኑላ ዎꬍዳንጋራ ኡንታላን ዎꬍዳ።
16 የ ዎደ ‹ዋሐንሳ Ꮉꬃራ ጻማቅዳ፥ የዝን ይን ጌሽ አያናራ ጻማቅንቶዳ› ያጋይደ ላꬄ ቃልታ ታስ ቲርንትዳ።
17 ጾዚ ኑስ ላꬄ የሱስ ክርስቶሳ አማንዙንꬅስ እንግደ እሞትꬅቶ ማህ እዞ አይሁደ ማቆሱንꬅስን እንግኮ፥ ዬዝን ጾዝ ካዮደስ ታ ኦደ?» ያጋይዳ።
18 ኡን ይኖ ስእደ ዎደ ፋ ላልዛኖ አሺ፥ «ይኖ ማቅኮ፥ ጾዚ አይሁደ ማቆሱንꬅን ናጋራፓ ማቂ ደኦ የሳደ ጋር እጻ እንግዳ» ያጋእ ጾዝ ጋላትዳ።
አንጾክያ ዎሳ ኬꬃ
19 እስጢፋኖሳ Ꮉይቆስ የልꬅደ ባይኤ ግሾ ላልንትደ አማንዙንꬅ ቃላ አይሁዱንꬅ ጻላላስ ኦህተራ ስሮፍንቀ፥ ቆጵሮሳን አንጾክያ የሎደስ ዉትዳ።
20 የዝን ቆጵሮሳፓን ቀሬናፓን ይእደ ፈቲ ፈቲ አማንዘ አሱንꬅ አንጾክያ Ꮉንግ፥ ላꬂ የሱሳ ዎንገለ ግርኬ አሱንꬅስ ኦህዳ።
21 ላꬄ ዎልቃ ኡንታራ የነ፤ ማህ ጋማ አሱንꬅ አማኒ ላꬃጎ ማቅዳ።
22 ይና ኦህቶ የሩሳላመ የዘ ዎሳ ኬꬅታ ስእደ ግሾ ባርናባሳ አንጾክያ ኪትዳ።
23 ባርናባሳ አንጾክያ ቅትደ ዎደ ጾዘ አꬎ ኬሃትꬅ ኦቻ ብእ ኡፋይትዳ። ኡን ኡቡንꬅ ፋ ኩሙꬅ ዎዝንተ ላꬄ ግዳ ሚንግ የሳደ ጋር ኡንታና ዞርዳ፤
24 ይኒ ግሾ ባርናባሳ ጌሽ አያናራን አማኖራ ኩምደ ሎኦ አስ። ጋማ አሱንꬅ ላꬃ አማንዳ።
25 ይንፓ ማቂ፥ ባርናባሳ ሳዉላ ኮዮደስ ተርሴሰ ቅትዳ።
26 እዘ ሳዉላ ደንግደ ዎደ አንጾክያ ኤኪ ይእዳ። ባርናባሳን ሳዉላ ዎሳ ኬꬂ አሱንꬃራ ፈቲ በረ ሙሎ በቲ ጋማ አሱንꬃና ታማርስዳ። ታማሩንꬅ አንጾክያ ዎሳ ኬꬃ «ክርስታነ» ጋእንት ቲኒ ጼግንትዳ።
27 የ ዎደ ፈቲ ፈቲ ናቡንꬅ የሩሳላመፓ አንጾክያ ዎꬍዳ።
28 ኡን ግዳፓ አጋቦሳ ጋእንትዘ ደንዲ ሳአ ኡባ ዳማ ናየ ኬሳዳኖ አያና ዎልቃራ ትንቢተ ኦህዳ። ይና Ꮉንዳና ሮመ ካት ቃላዉድዮሳ ዎደ።
29 አማንዙንꬅ ፈተ ፈተ ፋ ዎልቂት ጋር ሚሸ ኬሲ ይሁዳ የዘ አማንዙꬅስ ማደ ዳኮደስ ቆፋ አጭዳ።
30 ኡን Ꮉንጋራ የይዝ፥ ሚሽቶ ባርናባሳራን ሳዉላራን ዎሳ ኬꬃ ጭሙንꬅስ ዳክዳ።