ጳዉሎሳ ተሰሎንቄ አሱንꬅስ
ጻፍደ ቲኖ ኪታ
ገለ
ተሰሎንቄ፥ ሮመ ጋደ የዘ መቀዶንያ አዉራጃስ ዋና ካታማ። ጳዉሎሳ ፍልጵስዩሳ አሺᎹንግደፓ ሱባ ተሰሎንቄ ዎሳ ኬꬅ ኤስዳ። ማቆየዝን፥ አይሁዱንꬅ አማንቶ ኤኮደስ ጊግንቲ በትደ አይሁደ ማቆሰ አሱንꬅ፥ ጳዉሎሳ ታማርስዘ፥ ክርስትና አማኖ ትምርትተ ኤካንጽደ ግሾ አይሁዱንꬅ ቃናቲ፥ ጳዉሎሳ ትምርትቶ እጺ ጳልቂዳ። ይኒ ግሾ፥ ጳዉሎሳ ጋምእካይዝን ተሰሎንቄ አሺ፥ ቤርያ ቅትዳ (1:9-10)። ሱባፓ ኤ ተሰሎንቄ የልደ ዎደ ኤዛ ማድዘ ጢሞትዮሳ ተሰሎንቄ ዎሳ ኬꬃ Ꮉንዳኖ ኤስ ጌሽ ኦህዳ።
ጳዉሎሳ ቲኖ ኪቶ ተሰሎንቄ አሱንꬅስ ጻፍደ፥ አማንዘ አሱንꬃና ዞሮደስን ምንꬅꬆደስ። ኤ ኡን አማንትስን ኡን ሲቅትስ ሎኦ ማርካትꬅቶ ስእደ ዎደ ጾዛ ጋላታነ። ቲኖ ኤ ኡን ግዳ የዘ ዎደ አኮ ፋና የስ የዘዛኮ ኡንታና ቲርዛነ። ይንፓ ክርስቶሳ ላምእንꬃ የእትባዝ ኦጭንትደ ኦችትስ ማሄ እንግዳ። ይና ኦችትፓ ፈተ፥ «ክርስቶሳ ላምእንꬃ የእትፓ ቲኖ Ꮉይቂደ አማንዘ አሱንꬅ ክርስቶሳ የእታ እንግዘ መዽና ደኦ ኤኮደስ ዳንዳእነ? ክርስቶሳ ላምእንꬃ ዮኦደ አይደ?» ጋእንትዛንፋና። ጳዉሎሳ ይና ዎትደ ዎድቶ ማድንቲ፥ «ክርስቶሳ ላምእንꬃ የኤ ኡፋይሳር ናግተር ኤ ዮኦደ የሎደስ ዎፑ ጋእ ይን ኦችቶ ኦቾተ» ያጋእ ዞራነ።
ኣፈ ቆፉንꬅ
ገለ ቆፋ 1:1
ጳዉሎሳ ኡፋይስቶን ጋላታ 1:2—3:13
አማንዘ አሱንꬃና ደኦጎ ካል 4:1-12
ክርስቶሳ ላምእንꬃ የኤ ባዝ 4:13—5:11
ዉርሱꬅ ዞረ 5:12-22
ጻꬅ ቆፋ 5:23-28
1
1 ጳዉሎሳ ስላሰን ጢሞትዮሳ ተሰሎንቄ ዎሳ ኬꬃ የዘ አሱንꬅስ፥ ጾዘ አደስን ላꬄ የሱስ ክርስቶሳስ ማቅደ አሱንꬅስ ጻፍደ ኪታ።
አꬎ ኬሃትꬅን ሳሮ ይንትስ ማቀ።
ተሰሎንቄ አሱንꬅ የሲን አማኖን
2 ኑኒ ጾዝ ዎስዘ ዎደ ኡባ ይንታና ቆፕተራ ይን ግሾ ኡባ ዎደ ጾዛ ጋላታነ።
3 ጾዘ ኑ አዳይ ቲኖ አማኖራ ይን ኦችደ ኦቻ፥ ሲቆራ ይን ላብደ ላብꬅቶ የሱስ ክርስቶሳራ የዘ ኡፋይስቶ ኤኮደስ ይን ሚንግ ኤቅደ ኤቅቶ ኡባ ዎደ ቆፓነ።
4 ኑ እሹንꬆ፥ ጾዚ ይንታና ካꬍዛኖን ፋ ባዝ ማህ ይንታና ዶርዳኖ ኤራነ።
5 አኮስ ጋይኮ፥ ኑኒ ዎንገለ ዶናራ ጻላላ ባይዝን ዎልቃራ፥ ጌሽ አያናራን ዎንገለ ምንꬂ አማኖራ ይንትስ ክእዳ። ኑኒ ይንታራ ጋምእደ ዎደ ኡባ ይን ግሾ ዋይዝ የዘዛኮ ይን ኤራነ።
6 ይን ጋማ ማꬋ ኤክኮን ጌሽ አያና እንግዘ ኡፋይሳራ ኪቶ ኤክዳ፤ ኑናን ኑ ላꬃ አዝዙንꬃና ማቅዳ።
7 ይኒ ግሾ፥ መቀዶንያን አካያ አዉራጃ የዘ አማንዘ ኡቡንꬅስ አዝዘ ማቅዳ።
8 ላꬄ ቃላ ይንታፓ ኬዚ፥ መቀዶንያን አካያ ጻላላስ ባይዝን ጾዛ ይን አማንዛና ኡባ በሳ ስንትዳ። ይኬ፥ ኑ ጋዉደ ባዝ አኮን ባያ።
9 ኑኒ ይንታጎ Ꮉንግደ ዎደ ይን ኑና ሞክደ ሞክተ ይን፥ ይን ኤቅቶ አሺ ቱሮን ደኦ ጾዛ ማዶደስ ይን ማቅዳኖ ኡን ፋ ኦምተ ኦህነ።
10 ማህ ጾዘ ናአያ፥ የሱሳ፥ ጾዚ Ꮉይቆፓ ደንꬅዳኖ፥ ቲኖፓ ዮኦደስ የዘ ጾዘ Ꮉንቆፓ ኑና አሾዳያ፥ ሳሎፓ ዮኦዳያ ይን ናግዛኖ ማርክꬋነ።