23
የሱሳ ጵላጦሳ ቲኖ
(ማቶ. 27:1-2፥ 11-14፤ ማር. 15:1-5፤ ዋሐ. 18:28-38)
1 ይና በስተ ሺቅደ ሻንጉንꬅ ኡባና ደንዲ የሱሳ ጵላጦሳጎ ካንግዳ።
2 «Ꮉይ አꬄ ኑ አሱንꬃና ባልꬆደራ፥ ሮመ ካትስ ጊራ ጊራመ ፋና ካዮደራን ማህ፥ ‹ታኒ ክርስቶሳ ይን ካት› ያጋዝን ደንግዳ» ያጋእ ሞትዳ።
3 ጵላጦሳ የሱሳ፥ «ኔኒ አይሁዱንꬅ ካትነ?» ያጋእ ኦጭዳ።
የሱሳ፥ «የ፥ ነ ጋእዳን ጋር» ያጋይዳ።
4 ጵላጦሳ ካህኑንꬅ Ꮉላቁንꬃጎን አሱንꬃጎ፥ «Ꮉይ አꬄላ አፋ ታ ፈቲ ባላ ባዝ ደንግካያ» ያጋይዳ።
5 የዝን ኡን፥ «Ꮉይ አꬄ ጋልላፓ አይኪ Ꮉኖ የሎደስ ይሁዳ ኩሙꬅ ኢታባዝስ ደንꬅꬃነ» ያጋእ ምንꬂ ኦህዳ።
6 ጵላጦሳ ይኖ ስኤዘ ዎደ የሱሳ ጋልላ አስ የዛኮ ኤሮደስ ኮይ ኤዛ ኦጭዳ።
7 የሱሳ ሄሮድሳ ሳአፓ ይእደ አስ ማቅዛኖ ጵላጦሳ ኤርደ ዎደ ሄሮድሳ የ ዎደ የሩሳላመ የዘ ግሾ ኤጎ ዳክዳ።
የሱሳ ሄሮድሳ ቲኖ ሺቅዳ
8 ሄሮድሳ የሱሳ በአደስ ጋማ ዎደፓ ኮይተራ የዘ ግሾ ኤዛ በኤዘ ዎደ ጋማ ኡፋይትዳ። አኮስ ጋይኮ፥ ኤ ባዝ ስእደ ግሾ ጋማ ቆፍዘ ባዝ ኦችን በአደስ አሙꬍተር የነ።
9 ሄሮድሳ የሱሳ ጋማ ኦች ኦጭዳ፥ የዝን ኤ አኮን ማህካያ።
10 ካህኑንꬅ Ꮉላቁንꬅን ህገ አስታማሩንꬅ እዘ ኤቂ ምንꬂ ኤዛ ሞታነ።
11 ሄሮድሳራን ኤ ዎታዳሩንꬃራ የሱሳ ቶቺ ለቂዳ። ቦንቾ አፉላ ማእሲ ጵላጦሳጎ ማህ ዳክዳ።
12 ሄሮድሳራን ጵላጦሳራ ቲኖ ሞርከየዝን የ ዎደ ዎላ ጊግዳ።
የሱሳ Ꮉይቆ ፍርዳ ፍርድንትዳ
13 ጵላጦሳ ካህኑንꬅ Ꮉላቁንꬃና፥ አስ አህዙንꬃናን ፈትላ ጼጊ፥
14 « ‹Ꮉይ አꬄ አስ ዎቦ ባዝስ ደንꬅꬃነ› ጋእ ታጎ ክእዳ። ታንን ይን ቲንተ ቁርችን ይን ሺሽደ ሞትስ አኮ ባላ ባዝ ደንግካያ።
15 ሄሮድሳ፥ ይኒ ጋር አኮ ባላ ባዝ ኤላ አፋ ደንግካይዘ ግሾ ኑጎ ዳክዳ። ቱሮን Ꮉይ አꬄ Ꮉይቆስ የልꬅዘ አኮ ባላ ባዝ ኦችካያ።
16 ይኒ ግሾ፥ ኤዛ ጋራፊ ብሊ ዳኮዳ» ያጋይዳ።
17 ይኖ ኤ ጋእዳና ፋስካ ባአለ ዎደ ፈቲ አስ ኡንትስ ብሎዳና ኤስ አታመባዝ ማቅደ ግሾስ።
18 ዎርዡንꬅ ኡባ ፈትላ፥ «Ꮉይ አꬃ ዎꬎ፥ ኑስ ባርባነ ብሎ» ያጋእ ኡህዳ።
19 ባርባነ ካታማ ግዳ አሱንꬃና ኢታባዝስ ደንꬅꬂ አስ ዎꬊ አጭንትደ አስ።
20 ጵላጦሳ የሱሳ ብሎደስ ኮይ አሱንꬅስ ማህ ኦህዳ።
21 ማቅኮን፥ አሱንꬅ፥ «ሱጾ! ሱጾ!» ያጋእ ኡክዳ።
22 ጵላጦሳ Ꮉይꬓንꬆ፥ «Ꮉይ አꬄ ቆህደ ባዝ አኮ? ዎስ የልꬅዘ ባላ ታ ደንግካያ። ይኒ ግሾ፥ ጋራፊ ዳኪ አሾዳ» ያጋይዳ።
23 ኡን ፋ ቃልቶ ꬎቅ ዪዚ፥ «ሱጹንቶደስ ቤዛነ» ጋእ ምንꬂ ኡክዳ። ኡን ኡክ ጋምዳ።
24 ኡን ኦጭት ግሾ ጋእ ጵላጦሳ ኤላ ፍርድዳ።
25 አስ ኢታባዝስ ደንꬅꬅዛያን አስ ዎꬊ አጭንትዳያ ብሎደ ፋና ዎስዳ፥ የ አꬃ ኡንትስ ብልዳ። የዝን የሱሳ ኡን ኮይደባዝ ኦቾደ ጋር ኡንትስ አꬂ እንግዳ።
የሱሳ ሱጽዳ
(ማቶ. 27:31-44፤ ማር. 15:21-32፤ ዋሐ. 19:17-27)
26 የሱሳ አይኪ ካንጎደራ ስሞና ጋዘ ቀሬና ሳአ አꬄ ጋጻረፓ የኦደራ፥ ደንግ ማስቃላ ቶሲ የሱሳ ካሊ Ꮉማደ ፋና ኡንእꬅዳ።
27 ጋማ አሱንꬅን ፋ ዳዳብቶ ቆጽተራ ዬክዘ ማቹንꬅ ኤ ሱባራ ካላነ።
28 የዝን የሱሳ ኡንታጎ ሱባ ማቂ፥ «ይን፥ የሩሳላመ ማቹንꬆ፥ ይን ኦምትስን ይን ናኡንꬅስ ዬኮተፕ አትን ታስ ዬክፐተ።
29 ‹ይኬ ꬎኦንꬁንꬅን፥ የልካይዘ ሳዝታን ꬋንꬅካይዘ አምታ አንጅንትዳ› ይን ያጋዉደ ቃማ የኦዳ።
30 የ ዎደ ደርቶ፥ ‹ኑላ አፋ ጎልኦ›፥ ዞዝቶን፥ ‹ኑና አቾ› ጋዉዳ።
31 ይኬ፥ ቃየ ምንጻላ Ꮉኒ ጋር ዪዝኮ መላ ምንጻላ ዋይሳድ የሳ?» ያጋይዳ።
32 ኤዛራ ዎꬎደስ መለ ላምእ ኢታ ባዝ ኦችዱንꬃና ካንግዳ።
33 ቄራንዮ ጋእንትዘ በስቶ የልꬅ ሱጽዳ። ኢታ ባዝ ኦችዱንꬃፓ ፈታ ምዛቅ ዛላራ Ꮉንካያ ዎርክታ ዛላራ ሱጽዳ።
34 የሱሳ፥ «ታ አዳዮ፥ ኡን አኮ ኦችዛኮ ኤሮሰ ግሾ ነ ኡንትስ አቶ ጋኦ» ያጋይዳ።
ኡን ኤ አፉልትላ አፋ እጻ ኦሊ ሻክንት ኤክዳ።
35 አሱንꬅ ኤቂ በእነ፥ የዝን ጋደ አህዙንꬂ፥ «መሉንꬃና አሽዳ፤ ጾዚ ዶርደ ክርስቶሳ ኤ ማቅዛኮ አነ ፋና አሾ» ያጋእ ለቂዳ።
36 ዎታዳሩንꬅ ኤ ካለ ሺቂ፥ ጫላ ዎይነ ኡሽ እንግዳ።
37 የይዝ፥ «ኔኒ አይሁዱንꬅ ካት ማቅኮ ነ ኦምቶ አሾ» ያጋእ ለቂዳ።
38 ኤስ ኦማ ዛላራ፥ «Ꮉይ አይሁዱንꬅ ካት» ያጋዘ ጹፈ ጋድዳ።
39 ሱጹንትደ ኢታ ባዝ ኦችዱንꬃፓ ፈተ ጫሽ ሳአራ ጎችተራ፥ «አነ ኔኒ ክርስቶሳ ማቅኮ፥ ነናን ኑናን አሾ» ያጋይዳ።
40 የዝን Ꮉንካይ፥ «ነ Ꮉኒ ጋር ፍርዳ የዝተ መለ አቶ የዝን፥ ጾዝስ ዣሽቶሳ?
41 ኑኒ ኑ ባልትስ ቤዝዘ ፍርዳ ኤካነ፥ የዝን Ꮉይ አꬄ ፈቲ ኢታባዝን ኦችካያ» ያጋእ ካጭዳ።
42 ማህን፥ «የሱሳ፥ ነ ነ ካእቱሞራ የእዘ ዎደ ታና ቆፖ» ያጋይዳ።
43 የሱሳ፥ «ታ ኔስ ቱሮ ኦህነ፤ Ꮉይኖ ነ ታራ ጋናተ ማቃዳ» ያጋይዳ።
44-45 የ ዎደ እዝፑን ሳተፓ Ꮉንግ ኡዱፉን ሳተ የሎደስ አዋ ፎእቶ ካይደ ግሾ ሳአ ኡባነ ꬉማ ማቅዳ። ጾዘ ኬꬃ ማጋራጅታ ፌꬍንቲ ላምእ ሻክንትዳ።
46 የሱሳ፥ ቃልቶ ꬎቅ ዪዚ፥ «ታ አዳዮ፥ ታ ታ ሸምፕቶ ነ ኩሽተ እንጋነ» ያጋእ Ꮉይቂዳ።
47 ማቶ Ꮉላቅዘ፥ Ꮉንዳኖ ብእ፥ «Ꮉይ አꬄ ቱሮ ጽሎ» ያጋእ ጾዝ ጋላትዳ።
48 ይና Ꮉንደ ባዝቶ ቦኦደስ ይና በስተ ሺቅደ አስ ኡባና Ꮉንዳኖ በኤዘ ዎደ ፋ ዳዳብቶ ቆጽተራ ፋ ካራ ማቅዳ።
49 ማቅኮን፥ የሱሳ ካለራ ኤርዘ አሱንꬅ ኡባና፥ ይኒ ጋራ ጋልላፓ ካሊ ይእደ ማቹንꬅ ይኖ ብእተ Ꮉኮራ ኤቅዳ።
50-51 አይሁደ ሻንጉንꬃፓ ፈታይ፥ ዮሰፋ ጋእንትዘ አꬄ የነ። ኤ አርማትያሳ ጋእንትዘ ይሁዳ ካታማፓ ይእዳ። ኤ ሎኦን ጽሎ አስ ማቅደ ግሾ ጾዘ ካእቱሞ የእቶ ናጋነ። ሻንጉንꬃፓ ፈታ ማቂ ኡን ዞርንተን ኦችተ ባያ።
52 የ አꬄ ጵላጦሳጎ Ꮉንግ፥ የሱሳ አህቶ ሞጎደስ ታስ እንጎ ጋእ ዎስዳ።
53 የሱሳ አህቶ ኬꬂ አፉላራ ጻጽዳ። ላላፓ ዎጭንትደ ዎምኦ መለ አስ ሞግንትካይዘ ቦዝተ ጋድዳ።
54 ሳምባታ ገሎደስ ዪዘ ግሾ ይና ዎድታ ጊግንተ ቃማ።
55 ጋልላፓ ደንዲ የሱሳ ካሊ ይእደ ማቹንꬅ ዮሴፋራ Ꮉንግ ኤ አህቶ ዋይዝ ሞግዛኮ ቦዝቶ አካኪ ብእዳ።
56 እዝፓ ማቂ ሽቶን ቅባተ ጊግዝዳ። ህገ ኪትዛን ጋር ሳምባታ አዋርቶ ሸምፒ ፔዥዳ።