27
ይሁዳ ፋና ሱጽዳ
(ማር. 15:1፤ ሉቃ. 23:1-3፤ ዋሐ. 18:28-32)
1 ዎንታ ጎዳ ካህኑንꬅ Ꮉላቁንꬅን ጋደ ጭሙንꬅ ኡቡንꬅ የሱሳ ዎዽሳደስ ዞርንትዳ።
2 ኡን የሱሳ አጪ ካንግ ዎርዣ አህዘ ጵላጦሳስ አꬂ እንግዳ።
3 የ ዎደ የሱሳ አይꬂደ ይሁዳ፥ ጵላጦሳ የሱሳላ አፋ ፍርድዳኖ ብእ፥ አዛኒ፥ የ Ꮉስታም ብርዛ ካህኑንꬅ Ꮉላቁንꬅስን ጋደ ጭሙንꬅስ ሱብ ማህዳ።
4 «ታኒ ጽሎ አስ Ꮉይቆስ አꬂ እንግ ናጋራ ኦችዳ» ያጋይዳ።
የዝን ኡን፥ «ይና ኑ ማꬋ ባያ ነ ማꬋ» ያጋይዳ።
5 ይሁዳ ብርቶ ጾዘ ኬꬃ ኦሊ አሺ ኡን ካለፓ Ꮉንግ፥ ሱጹንት Ꮉይቂዳ።
6 ካህኑንꬅ Ꮉላቁንꬅ ብርቶ ኤኪ፥ «Ꮉና ብርታ ሱꬅ ብራ ማቅደ ግሾ ኑ ጾዘ ኬꬃ ብራራ የልꬅዛና ዎጋ ባያ» ያጋይዳ።
7 ይንፓ ሱባ፥ ዎላ ዞርንት፥ በተ አስ ሞጎደስ ማን ጋደ ዎንግዳ።
8 ይኒ ግሾ፥ ይና ጋድታ Ꮉይኖ የሎደስ ሱꬅ ጋደ ጋእንት ጼግንታነ።
9 ናበ ኤርምያሳ፥ «እስራኤለ አሱንꬅ ኤስ ጭጎደስ ጋማትደ Ꮉስታም ብራ ኤክዳ።
10 ላꬄ ታና ኪትዳን ፋና ማን ጋደ ዎንጎደስ እንግዳ» ጋይዳና የ ዎደ ፎልንትዳ።
የሱሳ ጵላጦሳ ቲኖ
(ማር. 15:2-5፤ ሉቃ. 23:3-5፤ ዋሐ. 18:33-38)
11 የሱሳ ጋደ አህዘ ጵላጦሳ ቲኖ ሺቅን፥ ጵላጦሳ ኤጎ፥ «ነ አይሁደ ካቶ?» ያጋእ ኦጭዳ።
የሱሳ ማህ፥ «ነ ጋይዳ» ያጋይዳ።
12 ካህኑንꬅ Ꮉላቁንꬅን ጋደ ጭሙንꬅ ኤዛ ሞትዘ ዎደ ኡንትስ አኮ ማሄን እንግካያ።
13 የ ዎደ ጵላጦሳ የሱሳጎ፥ «Ꮉንስ ነና ሞትዘ ሞቶ ኡባ ስኦሶ?» ያጋይዳ።
14 የሱሳ መለ አቶይዝን፥ ፈቲ ቃላን ማሀንጽን፥ ጋደ አህዛይ ጋማ ቆፕዳ።
የሱሳላ Ꮉይቆ ፍርድንትዳ
(ማር. 15:6-15፤ ሉቃ. 23:13-25፤ ዋሐ. 18:39-40፤ 19:1-16)
15 ጋደ አህዘ በርተ በርተ ፋስካ ባአለ ቦንችዘ ቃማ፥ አሱንꬅ ኮይዘ ፈቲ አስ አቻፓ ብልዘ ዎጋ የነ።
16 የ ዎደ ፈቲ ባርባና ጋዘ ኢታትꬃራ ጋማ ኤርንትደ አች ኬꬃ የነ።
17 ይኒ ግሾ፥ ጋማ አሱንꬅ ሺቂ የዝን ጵላጦሳ፥ «ታኒ ይንትስ ባርባና ብሎነነ፥ ዎይ የሱሳ ጋዘ ክርስቶሳ ብሎነ?» ያጋእ አሱንꬃና ኦጭዳ።
18 ኤ ይኖ ጋይዳና ኡን ቃናቲ የሱሳ አꬂ እንግዳኖ ኤርዘ ግሾስ።
19 ጵላጦሳ ፍርዳ ኬꬃ በቴዝን፥ ኤ ማችታ፥ «ታኒ Ꮉይኖ ቃማ አቡኮራ ኤ ባዝ ጋማ ዋይንትተራ አቅደ ግሾ የ ጽሎ አꬄላ አኮ ባዝን ኦችፐ» ያጋእ ኪትዳ።
20 የዝን ካህኑንꬅ Ꮉላቁንꬅን ጋደ ጭሙንꬅ ጵላጦሳ ባርባና ብሊ፥ የሱሳ ዎꬎደ ፋና፥ አሱንꬅ ኤዛ ዎሶደ ፋና፥ አሱንꬃና ዞሪ ማህዳ።
21 ጵላጦሳ ማህ ኡንታጎ፥ «ታኒ ኡን ላምኡንꬃፓ ይንትስ ኦና ብሎደ ፋና ኮየተ?» ያጋእ ኦጭዳ።
ኡን፥ «ባርባና ብሎደ ፋና ኮያነ» ያጋይዳ።
22 ጵላጦሳ፥ «ዬዝን፥ የሱሳ ጋዘ ክርስቶሳ ዋይሳ?» ያጋእ ኡንታና ኦጭዳ።
ኡቡንꬅን፥ «ማስቃላላ ኤዛ ሱጾ» ያጋይዳ።
23 ጵላጦሳ አሱንꬃጎ፥ «አኮስ? ኤ አኮ ኢታ ባዝ ኦችዶ?» ያጋእ ኦጭዳ።
የዝን አሱንꬅ ቲኖስትፓ አꬂ፥ «ማስቃላላ ሱጾ» ጋእ ኡክዳ።
24 ካች ደንꬅፓ መለ አኮ ባዝን ኦቾደስ ዳንዳኦሳኖ ጵላጦሳ ብእ፥ Ꮉꬅ ኤኪ፥ «Ꮉይ ጽሎ አꬄ ሱꬅተ ታ ባያ። Ꮉኖ ኦችዘ ይንታና» ያጋእ አሱንꬅ ቲኖ ፋ ኩሽቶ ማትዳ።
25 አሱንꬅ ኡቡንꬅ ማህ፥ «ኤ ሱꬅት ጎምታ ኑናን ኑ ናኡንꬃና የሎ» ያጋይዳ።
26 የዝን፥ ጵላጦሳ ባርባና ኡንትስ ብሊ፥ የሱሳ አላንጋራ ጋራፊ፥ ማስቃላላ ሱጹንት Ꮉይቆደ ፋና ኡንትስ አꬂ እንግዳ።
ዎታዳሩንꬅ የሱሳ ሚጭዳ
(ማር. 15:16-20፤ ዋሐ. 19:2-3)
27 ይንፓ ሱባ፥ ጵላጦሳ ዎታዳሩንꬅ የሱሳ ዎርዥቶ አህዘ ካራ ኤኪ ካንግን፥ ጋማ ዎታዳሩንꬅ ኡባ ኤ ካለ ኤቅዳ።
28 ኤ አፉልቶ ጋሪ ኤኪ ዞቆ አፉላ ማእስዳ።
29 ማህ አንጋꬅ ባርኔጻ ጊግዚ፥ ኤ ኦምተ ጋድዳ። ኤ ምዛቅ ኩሽተ ሾምቦቆ ጉፈ አይꬂ፥ ኤ ቲንተ ቡንቁንቲ፥ «አይሁደ ካታዮ፥ ሳሮ ኔስ ማቀ!» ያጋእ፥ ኤላ አፋ ሚጭዳ።
30 ኤላ አፋ ጩትዳ። የ ሾምቦቆ ጉፍዛ ኤኪ፥ ኤ ኦምተ ጉድዳ።
31 ኡን ኤላ አፋ ሚጭዳንፓ ሱባ ዞቆ አፉልዛ ኤፓ ጋሪ ኤኪ፥ ኤ አፉልቶ ኤዛ ማእስዳ። ማስቃላላ ኤዛ ሱጾደስ ኤኪ ካንግዳ።
የሱሳ ሱጽንቶ
(ማር. 15:21-32፤ ሉቃ. 23:25-43፤ ዋሐ. 19:17-27)
32 ኡን ባለ ኬዚ፥ ፈቲ ስሞና ጋዘ ቀሬና ጋደ አስ ደንግ፥ የሱሳ ማስቃላ ዎልቃራ ቶስዳ።
33 ጎልጎታ ጋዘ በሲ የልዳ። «ጎልጎታ» ጋዛና «ኦማ ኦታ» ጋኤ።
34 እዘ ኡን ጭዠራ ዎርቂንትደ ዎይነ ኡሽ ኡዦ ጋእ ኤስ እንግዳ። የዝን ኤ ይኖ ቃማስ ኤኪ፥ ኡዣንጽ እጽዳ።
35 ኡን ማስቃላላ ኤዛ ሱጽዳንፓ ሱባ ኤ አፉልቶ ሻኪ፥ እጻ ኦሊ ኤክዳ።
36 ይንፓ ሱባ፥ የይጋ በቲ ኤዛ ናግዳ።
37 ማህ፥ «Ꮉይ አይሁደ ካት የሱሳ» ያጋዘ ሞቶ ጹፈ ኤ ኦማ ጉሮ ጋድዳ።
38 የሱሳራ የ ዎደ ላምእ ፋኑንꬃና ፈታያ ኤፓ ምዛቅ ዛላራ፥ Ꮉንካያ ኤፓ ዎርክታ ዛላራ፥ ማስቃላላ አፋ ሱጽዳ።
39 ኦገራ አꬍዘ አሱንꬅ የሱሳ ፋ ኦምቶ ኤንእዝተራ ጫዣነ፥
40 «ጾዘ ኬꬃ ላሊ Ꮉይꬕ ቃማ ግዳ ኬጽዛዮ፥ ነና አሾ። ነ ጾዘ ናአ ማቅኮ፥ አነ ማስቃላፓ ዎꬎ» ያጋይዳ።
41 ይኒ ፋና፥ ካህኑንꬅ Ꮉላቁንꬅ፥ ህገ አስታማሩንꬅን ጋደ ጭሙንꬅ ዎላ የሱሳላ አፋ ሚጭዳ። Ꮉኒ ፋና ያጋይዳ:
42 «መሉንꬃና አሽዳ፥ የዝን ፋና አሾደስ ዳንዳእካያ። ኤ እስራኤለ ካት ማቅኮ፥ አነ ማስቃላፓ Ꮉተ ዎꬎ፥ ኑንን ኤዛ አማኖዳ።
43 ጾዛላ ኤ አማንንታነ፥ ጾዚ ኤዛ አሾደስ ኮይኮ አነ አሾ። አኮስ ጋይኮ፥ ኤ ፋና፥ ‹ታኒ ጾዝ ናአ› ጋነ» ያጋይዳ።
44 ማህ መለ አቶይዝን፥ ኤራ ማስቃላላ አፋ ሱጹንትደ ፋኑንꬅን ይኒ ጋር ጋእ ኤላ አፋ ሚጭዳ።
የሱሳ Ꮉይቅቶ
(ማር. 15:33-41፤ ሉቃ. 23:44-49፤ ዋሐ. 19:28-30)
45 እዝፑን ሳተፓ Ꮉንግ፥ ኡዱፉን ሳተ የሎደስ ሳእታ ኡባ ꬉምዳ።
46 ኡዱፉን ሳተ ማቅዘ ዎደ የሱሳ፥ «ኤሎሄ፥ ኤሎሄ፥ ላማ ሳባቅታን?» ጋእ ዳማ ኡፎ ኡክዳ። «ኤሎሄ፥ ኤሎሄ፥ ላማ ሳባቅታን?» ጋዛን ብልꬅታ «ታ ጾዛዮ፥ ታ ጾዛዮ፥ ታና አኮስ አሽዶ?» ጋኤ።
47 እዘ ኤቅደ አሱንꬃፓ ፈተ ፈተ ይኖ ስእ፥ «Ꮉይ አꬄ ኤልያሳ ጼጋነ» ያጋይዳ።
48 ኢራ ኡንታፓ ፈታይ ዎጺ Ꮉንግ፥ እስፖንጀ ኤኪ፥ ጫላ ዎይነ ኡሽ ኩንꬅዳ። የ ሾምቦቆ ጉፍዘ በርꬅተ ጋዲ ኡሾደስ ኤ ዶንትጎ ሺሽዳ።
49 የዝን Ꮉንኩንꬅ፥ «ናጎ፥ ኤልያሳ ኤዛ አሾደስ የኦድየዛኮ አነ በአዳ» ያጋይዳ።
50 የሱሳ ላምእንꬃ ዳማ ኡፎ ኡክ፥ Ꮉይቂዳ።
51 ይና ሳተ ጾዘ ኬꬃ ሱጹንትደ ማጋራጅታ ዎካፓ ዬካ የሎደስ ላምእ ኬዚ፥ ፌꬍንትዳ። ሳእታ ኤንእዳ፥ ላላን ዛእዳ።
52 ቦዛ ቡጉንትን ጌሽ አሱንꬃፓ ጋሙንꬅ Ꮉይቆፓ ደንድዳ።
53 ኡን ቦዛፓ ኬዚ፥ የሱሳ Ꮉይቆፓ ደንድዳንፓ ሱባ ጌሽ ካታማ ቅትዳ፤ እዘ ኡን ጋማ አሱንꬅስ በንትዳ።
54 ማቶ Ꮉላቅዘን ኤራ የሱሳ ናግዘ ዎታዳሩንꬅ ሳአ ኤንእዳኖ እዘ Ꮉንዳኖ ብእደ ዎደ ጋማ ዣሽቲ «ቱሮ Ꮉይ ጾዘ ናአ» ያጋይዳ።
55 እዘ ጋማ ማቹንꬅ፥ ጋልላፓ ደንꬂ የሱሳ ማድተራ ካልዱንꬅ Ꮉኮራ ኤቂ በእነ።
56 ኡን ግዳ ማግደላ ማይራማ፥ ያይቆባን ዮሰፋ እንታ ማይራማን ዛብድዮሳ ናኡንꬅ እንታ የነ።
የሱሳ ሞግንቶ
(ማር. 15:42-47፤ ሉቃ. 23:50-56፤ ዋሐ. 19:38-42)
57 ሳአ ኡጉርዘ ዎደ ዮሴፋ ጋዘ ፈቲ ዱረ አꬄ፥ አርማትያሳ ካታማፓ ይእዳ። ኤ ፋ ኦምተ የሱሳ ካልዘ አስ።
58 ዮሰፋ ጵላጦሳጎ Ꮉንግ፥ የሱሳ አህቶ ኤኮደስ ዎስዳ። ጵላጦሳ አህቶ ዮሰፋስ እንግንቶደ ፋና ኪትዳ።
59 የሱሳ አህቶ ኤኪ፥ ክለ አፉላራ ጻጽዳ።
60 ፋስ ሞግንቶደስ ሹቻፓ ዎጭደ ክለ ቦዛ ኤ አህቶ ሞግዳ። ማህ ይና ቦዝት ዶንተ ዳማ ሹች ሽሪ ጋዲ አሺ ቅትዳ።
61 ማግደላ ማይራምራን Ꮉንኮ ማይራምራ ይና ቦዝት ቲንተ በትዳ።
62 ዎንታ ሳምባታ ቃማ፥ ካህኑንꬅ Ꮉላቁንꬅን ፋራሳዉንꬅ ጵላጦሳጎ ይእ፥ Ꮉኒ ጋር ያጋይዳ፦
63 «ላꬆ፥ Ꮉይ ዎርዶ ኦህዘ ፋጻ የዛራ፥ ‹ታኒ Ꮉይꬕ ቃማፓ ሱባ Ꮉይቆፓ ደንዶዳ› ያጋይዳና ኑስ ቲርንትዳ።
64 ይኒ ግሾ፥ ኤ ሞጉንትደ ቦዝቶ Ꮉይꬕ ቃማ የሎደስ፥ ምንꬂ ናጎደ ፋና ኪቶ። ይና ይአንጽኮ፥ ኤ ታማሩንꬅ Ꮉንግ ኤ አህቶ ካይስት ꬋብስ፥ ‹Ꮉይቆፓ ደንድዳ› ያጋእ አሱንꬅስ ኦህኮ ላምእንꬃ ዎርድታ ቲኖስትፓ ኡባ Ꮉንካ ኢቶዳ» ያጋይዳ።
65 ጵላጦሳ ኡንታጎ፥ «ይንትስ ናግዙንꬅ የነ፤ Ꮉንግ ይንትስ ዳንዳእንትደ ፋና ናግዞተ» ያጋይዳ።
66 ይኒ ግሾ፥ ኡን Ꮉንግ ቦዝታ ቦችንታመ ፋና ሹችዘላ ማታመ ጋዲ ዎታዳሩንꬃራ ናግዝዳ።