5
ጭሙንꬅስን ናአትꬁንꬅስ እንግንትደ ዞረ
1 ይኬ፥ ዎሳ ኬꬃ ጭሙንꬃራ ጭማ ማቅደ፥ ክርስቶሳ ማꬍቶ ማርክꬍዘ ቆንጮደስ የዘ ቦንቾ ሻክንቶደስ የዘ ታኒ፥ ይን ግዳ የዘ ጭሙንꬃና ዞራነ።
2 ይንትስ አደትꬃራ እንግንትደ ጾዘ ዉድቶ የንጎተ። ጾዚ ኮይዛን ፋና ካራ ፋትን ኡንእራ የንግፐተ። ማህ ሚሸ ኮይ ባይዝን ካꬊ ማዶዳ ጋእ ሎኦ ቆፋራ የንጎተ።
3 ይን አደትꬃፓ ኦሞራ የዘ ዉዱንꬅስ አዝዘ ማቆተ ፋትን ላꬂ ማቅፈተ።
4 የንግዙንꬅ አዳይ ቆንጭዘ ዎደ ꬋቦሰ ቦንቾ ዎርቃ ዛዉደ ይን ኤኮዳ።
5 ይኒ ፋናን፥ ናአትꬁንꬆ፥ ጭሙንꬅስ አቆተ። ይን ፈታይ ፈታይስ አዳ ማቆተ። ጌሽ ማጻፍተ፥ «ጾዚ ኡቱርትዙንꬃና እጻነ፥ የዝን አዱንꬅስ አꬎ ኬሃትꬅ እንጋነ» ያጋይዳ።
6 ጾዚ ፋ ዎደ ይንታና ቦንቾደ ፋና ዳማ ጾዘ ኩሸፋ ኦሞራ ይንታና ዝቂ ዪዞተ።
7 ኤ ይንትስ ቆፕዘ ግሾ ይንታና ይርግዘባዝ ኡባ ኤላ አፋ ኦሎተ።
8 ይን ሞርክዘ ጻላሄ፥ ቆꬍዘባዝ ኮይ፥ ጋሞ ፋና ꬋዝተራ ይን ካለራ ዉትዘ ግሾ ይንታና ናጎተን ባርኮተ።
9 አላመ የዘ ይን እሹንꬅ ይኒ ጋር ማꬋ ኤክዛኖ ኤሪ፥ አማኖራ ሚንግ፥ ጻላሄ እጾተ።
10 ፋ መዽና ቦንቾስ ክርስቶሳ የሱሳ ባጋራ ይንታና ጼግደ አꬎ ኬሃትꬅ ኡባ ጾዘ፥ ኤራꬅ ዎደስ ይን ማꬋ ኤክደፓ ሱባ፥ ኤ ፋ ኦምተ ይንታና አሾዳ፥ ካትሳዳ፥ ምንꬂ ኤሶዳ፥ ጻልሳዳ።
11 መꬍናፓ መዽና የሎደስ ጾዚ ካእቶ። አምንኤ።
ዉርሱꬅ ሳር
12 አማንንትደ እሸ ጋእ ታ ኤክዘ ስላሰ ባጋራ Ꮉይ ኪትዛ ይንትስ Ꮉታራ ጻፍዳ። ታ ይኖ ይንትስ ጻፍዳና፥ ይንታና ዞሮደስን ጾዘ አꬎ ከሃትꬅታ ቱሮ ማቅዛኖ ማርክꬋደስ። ይና አꬎ ኬሃትꬅተ ሚንግ ኤቆተ።
13 ይንታራ ዎላ ዶርንትደ ባብሎነ የዘ ዎሳ ኬꬃ አሱንꬅን ታ ናአይ ማርቆሳ ይንታና፥ «ሳሮ ሳሮ» ያጋነ።
14 ሲቆ ዬርንተ ዬርንትተራ፥ ፈታይ ፈታያ ሳርꬆተ።
ክርስቶሳ ግዳ የዘ ይን ኡቡንꬅስ ሳሮ ማቀ። አምንኤ።