17
ዳማ ኦላልዘ ማችቶ
1 ላፑን ጹእቶ አይክደ ላፑን ኪታንቹንꬃፓ ፈታይ ታጎ ይእ፥ «ዮኦ፤ ጋማ Ꮉꬃላ አፋ በትደ ዳማ ኦላልትላ ዮኦደስ የዘ ፍርዳ ታ ነና ቤሳዳ።
2 አላመ ካቱንꬅ ኢራ ኦላልዳ፤ አላመ የዘ አሱንꬅ እ ኦላለ ዎይንዛ ኡዢ ማꬅንትዳ» ያጋይዳ።
3 የ ኪታንችዘ ታና ጌሽ አያናራ አኮ ባይዘ ሳአ ካንግዳ። የይጋ ፈቲ ማችታ ጫሽ ሱንꬅ ኩምደ፥ ላፑን ኦማን ታጵ ጉሙር የዘ ዞቆ ጾꬅ ቶግዳኖ ብእዳ።
4 ይና ማችታ ቦንቾ ማኦን ዞቆ ማኦ ማእዳ፤ እዛ ዎርቃራ፥ ቦንቾ ሹቻራን እንቆ ጋዘ አልኦ ሹቻራ ሹርንትዳ። እዛ ፋ ኩሽተ ቦርስዘባዝን ኦላለ ቱናራ ኩምደ ዎርቃ ጹአ አይክዳ።
5 እ ስንተ አችንትደ ሱንꬅ፥ «ዳማ ባብሎነ፥ ኦላለስን ሳአ የዘ ቱና ባዝ ኡባስ እንዶ» ያጋዘ ጹፈ ጻፍንት የነ።
6 ማህ ይና ማችታ ጌሹንꬅ ሱꬅን የሱሳስ ማርክꬍተራ Ꮉይቂዱንꬅ ሱꬅቶ ኡዢ ማꬅንትዳኖ ታ ብእ ጋማ ቆፕዳ።
7 ኪታንችዘ ታጎ፥ «ኔኒ አኮስ ጋማ ቆፐ? ታኒ ኔስ ማችት ጋꬅ ቆፋን እዛ ቶክደ ላፑን ኦማን ታጵ ጉሙር የዘ ጾꬅዘስ ጋꬅ ቆፋ ኦሆዳ።
8 ኔኒ ብእደ ጾꬅዘ ቲኖ የነ፥ Ꮉተ ባያ። የ ጾꬅዘ ዳማ ኦላፓ ከዚ ꬋቦደስ ቅቶዳ። ሳአ መꬍንትዳንፓ አይኪ፥ ደኦ ማጻፍተ ኡን ሱንꬅታ ጻፍንትካይዘ ሳአ የዘ አሱንꬅ ጾꬅዛ ብእ ጋማ ቆፕዳ። ይኬ፥ ኤ ቲኖ የነ፤ Ꮉተ ባያ፥ የዝን ቲኖስ ዮኦዳ።
9 «ጭንጫትꬅን ቆፋ ኮሽዘ Ꮉነ። ላፑን ኦሙንꬅ ማችታ በትደ ላፑን ደሩንꬃና፤ የንስ ማህ ላፑን ካቱንꬃና።
10 ኡንታፓ እችን ካቱንꬅ ጎልእዳ። ፈታይ Ꮉይኖ የሎደስ አሃነ፤ Ꮉንካይ Ꮉጋ ይእካያ። ኤ ይእ ኤራꬅ ዎደ ጋምኦደስ ቤዛነ።
11 ቲኖ የዝደ ጾꬅዘ፥ Ꮉተ ባይዛይ፥ ኤ ፋ ኦምተ ኦስፉንꬃ ጾꬅ። ኤ ላፑን ጾꬁንꬃፓ ፈታያ፤ ኤ ꬋቦደስ ቅታነ።
12 «ኔኒ ብእደ ታጵ ጉሙሩንꬅ አሄ አይክካይዘ ታጵ ካቱንꬃና። የዝን ኡን ጾꬅዘራ ዎላ ፈቲ ሳተ ካእት አሆደስ ኡንትስ አደትꬅ ዎልቃ እንግንቶዳ።
13 ኡን ኡቡንꬅስ ፈቲ ቆፋ የነ፤ ኡን ፋ ዎልቂቶን ፋ አደትꬅ ዎልቅቶ ጾꬅዘስ እንጎዳ።
14 ኡን ዱርዘራ ኦልንቶዳ፥ የዝን ዱርዘ ላꬁንꬅ ላꬃያ ካቱንꬅ ካታያ ማቅደ ግሾ ኤ ጼግዱንꬅ፥ ዶርዱንꬅን አማንንትዱንꬂ የንꬅ ካቱንꬃና ኤራ ጋሞዳ» ያጋይዳ።
15 ኪታንችዘ ማህ ታጎ፥ «ኦላልታ በትደ የ ኔኒ ብእደ Ꮉꬅታ ዎርዡንꬅ፥ አሱንꬅ፥ ኮችን ዱማ ዱማ ዶናራ ኦህዙንꬃና።
16 ማህ ነ ብእደ ታጵ ጉሙሩንꬅን ጾꬅዘ ኦላለ ማችቶ እጾዳ። ኡን ኢስ የዘ ኡባባዝቶ ኤኮዳ። ማህ እዞ Ꮉሪ አሾዳ እ አሽቶ ሞኦዳ፤ ይንፓ እዞ ታማ ምቾዳ።
17 ይኬ፥ ጾዘ ቃልታ ፎልንቶደ ዎንꬅስ ኡን ቆፍታ ፈቶ ማቃደ ፋና ካእቱሞ አደትꬅ ዎልቅቶ ጾꬅዘስ እንጎደ ፋና ጾዚ ቆፕዳኖ ኡን ኦቾደ ፋና ኡን ዎዝንተ ጾዚ አሞተꬅ ጋድዳ።
18 የ ነ ብእደ ማችታ ሳአ ካቱንꬃላ ካእትዘ ዳማ ካታምቶ» ያጋይዳ።