8
ላፑንꬆ ማህታምዘ ቡጉንትዳ
1 ዱርዘ ላፑንꬆ ማታመ ቡግደ ዎደ ባጋ ሳተ ማቃደ ፋና ሳሎ ስእ ጋይዳ።
2 ይንፓ ሱባ፥ ታኒ ላፑን ሞይዘ እንግንትደ ላፑን ኪታንቹንꬃና ጾዘ ቲኖ ኤቅዙንꬃና ብእዳ።
3 እጻነ ጩግዘ ዎርቃ ሻተ አይክደ መለ ኪታንቾ ይእ፥ ዣርሾ በስት ካለ ኤቅዳ። ኤ አራትዘ ቲኖ የዘ ዎርቃ ዣርሾ በስትላ ጌሹንꬅ ኡባ ዎሳራ ጉጂ ዣርሾደ ፋና ኤስ ጋማ እጻነ እንግንትዳ።
4 እጻንዘ ጩግታ ጌሹንꬅ ዎሳራ ዎላ ኪታንቾ ኩሸፓ ኡደ ጾዛጎ ከዝዳ።
5 ይንፓ ሱባ፥ ኪታንችዘ እጻነ ጩግዘ ሻትዛ ኤኪ፥ እዘ ዣርሾ በስትፓ ቃቃ ታማ ኩሙꬅ ሳአ ሱለ ኦልዳ። የይ ማቅን፥ ዳዳ ꬎገን፥ ዘልንꬅን ሳአ ኤንኤ Ꮉንዳ።
ላፑን ሞይዙንꬃና
6 ይንፓ ሱባ፥ ላፑን ኪታንቹንꬅ ፋ ሞይዝቶ ኦሎደስ ጊግንትዳ።
7 ቲኖ ኪታንችዘ ፋ ሞይዛ ኦልዘ ዎደ ሻቻራን ሱꬃራ ዎርቂንትደ ታማ ሳሎፓ ቡክዳ። ሳአ Ꮉይꬓፓ ፈቲ ኩሸ ኤጽንትዳ፤ ምንጻ Ꮉይꬓፓ ፈቲ ኩሸ ኤጽንትዳ፤ ዥልኦ ማታ ኡባ ኤጽንትዳ።
8 ላምእንꬃ ኪታንችዘ ፋ ሞይዛ ኦልደ ዎደ ዳማ ደረ አዝዘ ባዝ ታማ ኤጽተራ አባ ኦልንትዳ። የይን፥ አባ Ꮉይꬓፓ ፈቲ ኩሸ ሱꬅ ማቅዳ።
9 አባ ግዳ ሸምፖራ የዘ መትꬅ Ꮉይꬓፓ ፈቲ ኩሸ Ꮉይቂዳ፤ ማርካቡንꬅ Ꮉይꬓፓ ፈቲ ኩሸ ꬋብዳ።
10 Ꮉይዝንꬃ ኪታንችዘ ፋ ሞይዛ ኦልደ ዎደ ጾምፐ ፋና ኤጽዘ ዳማ ጾልንትዘ ቦርካ Ꮉይꬓፓ ፈቲ ኩሸላን Ꮉꬅ ኣፈላ አፋ ሳሎፓ ዎꬍዳ።
11 የ ጾልንትዘ ሱንꬅታ ጫሞ ጋእንታነ። Ꮉꬅ Ꮉይꬓፓ ፈቲ ኩሻ ጫንግዝዳ፤ Ꮉꬅታ ጫንግደ ግሾ ጋማ አሱንꬅ ይና Ꮉꬅቶ ኡዢ Ꮉይቂዳ።
12 ኦይድንꬃ ኪታንቾ ፋ ሞይዛ ኦልዳ። አዋፓ፥ አግናፓን ጾሉንቱንꬃፓ Ꮉይꬓፓ ፈቲ ኩሸ ጉድንትዳ፤ ኡን ፎእት Ꮉይꬓፓ ፈቲ ኩሸ ꬉምዳ። አዋራ Ꮉይꬓፓ ፈቲ ኩሸን፥ ቃማ Ꮉይꬓፓ ፈቲ ኩሸ ꬉምዳ።
13 ፈቲ አንኮ ሳሎ ꬎቅ ጋእ፥ አሎደራ ብእዳ። የ አንክዘ ፋ ቃልቶ ꬎቅ ዪዚ፥ «አትደ Ꮉይꬕ ኪታንቹንꬅ ፋ ሞይዝቶ ኦሎደስ የዘ ግሾ ሳአ የዘ አሱንꬃና ባደ! ባደ! ባደ!» ጋዝን ስእዳ።