Es 36. Gabiddel.
Em Esau Sei Nohch-Kummashaft
1 Dess is di nohch-kummashaft fumm Esau. Eah hayst aw Edom.
2 Da Esau hott sei veivah gnumma funn di mayt funn Kanaan: Di Ada voah em Elon da Hethiddah sei maydel, un di Oholibama voah em Ana sei maydel, un's kinds-kind fumm Zibeon da Heffiddah.
3 Eah hott aw di Basmath keiyaht. See voah em Ismael sei maydel, un di shveshtah funn di Nebajoth.
4 Di Ada hott da Eliphas katt beim Esau, un di Basmath hott da Reguel katt.
5 Di Oholibama hott da Jehus, da Jaelam un da Korah katt. Dess sinn di kinnah fumm Esau es geboahra voahra zu eem in Kanaan.
6 Da Esau hott sei veivah, sei boova un mayt un awl di ivvahricha funn sei haus-halding gnumma mitt alles es eah sich zammah kshaft katt hott in Kanaan—sei fee un diahra un annah sach—un is in en land ganga shtikk vekk funn sei broodah da Jakob.
7 Si henn zu feel sacha katt fa bei-nannah bleiva. 'S land vo si am bleiva voahra hott si nett awl zvay halda kenna veil si so feel fee katt henn.
8 So is da Esau nivvah in di hivla funn Seir ganga. Da Esau is aw Edom.
9 Dess is nau di nohch-kummashaft fumm Esau, da faddah funn di Edomiddah im hivvel-land funn Seir.
10 Dess sinn di nayma fumm Esau sei boova:
Da Eliphas, da boo fumm Esau sei fraw di Ada,
un da Reguel, da boo fumm Esau sei fraw di Basmath.
11 Un di boova fumm Eliphas voahra da Theman,
da Omar, da Zepho, da Gaetham un da Kenas.
12 Em Esau sei boo, da Eliphas,
hott aw en nayva-fraw katt es Thimna kaysa hott.
See hott da Amalek katt bei eem.
Dess sinn di kinnah fumm Esau sei fraw, di Ada.
13 Un dess sinn di boova es da Reguel katt hott:
Da Nahath, da Serah,
da Samma un da Missa.
Dess sinn di kinnah fumm Esau sei fraw di Basmath.
14 Dess sinn di boova fumm Esau sei fraw, di Oholibama.
See voah em Ana sei maydel un em Zibeon sei kinds-kind:
See hott da Jehus, da Jaelam un da Korah katt beim Esau.
15 Dess voahra di evvahshti fumm Esau sei boova.
Di boova fumm Esau sei eldshtah boo,
da Eliphas, voahra dee evvahshti:
da Theman, da Omar,
da Zepho, da Kenas,
16 da Korah, da Gaetham,
un da Amalek.
Sell voahra di evvahshti es fumm Eliphas kumma sinn.
Dess voahra di boova funn di Ada.
17 Un dess voahra di evvahshti funn di boova fumm Reguel,
em Esau sei boo: da Nahath, da Serah,
da Samma, un da Missa.
Sell sinn di evvahshti es kumma sinn fumm Reguel im land funn Edom.
Si voahra di boova fumm Esau sei fraw di Basmath.
18 Dess voahra di evvahshti funn di boova fumm Esau sei fraw di Oholibama:
da Jehus, da Jaelam un da Korah.
Sell sinn di evvahshti es kumma sinn fumm Esau sei fraw,
di Oholibama, em Ana sei maydel.
19 Sell voahra di kinnah fumm Esau un iahra evvahshti.
Da Esau voah aw da Edom.
20 Nau dess sinn di boova fumm Seir,
da Horiddah, dee vo im land gvoond henn:
da Lotan, da Sobal, da Zibeon, da Ana,
21 da Dison, da Ezer un da Disan.
Dee boova fumm Seir in Edom voahra Horiddah es evvahshti voahra funn iahra leit.
22 Di boova fumm Lotan voahra da Hori un da Heman,
un em Lotan sei shveshtah voah di Thimna.
23 Em Sobal sei boova voahra da Alvan,
da Manahath, da Ebal,
da Sepho un da Onam.
24 Em Zibeon sei boova voahra da Aja un da Ana.
Dess is da Ana vo di haysi vassah-shpringa kfunna hott in di vildahnis vo eah am sei daett Zibeon,
sei aysla heeda voah.
25 Di kinnah fumm Ana voahra da Dison un di Oholibama,
di dochtah fumm Ana.
26 Dess sinn di kinnah fumm Dison:
da Hemdan, da Esban, da Jethran un da Cheran.
27 Di boova fumm Ezer voahra da Bilhan,
da Sawan un da Akan.
28 Di boova fumm Disan voahra da Uz un da Aran.
29 Un dess voahra di Horiddah leit iahra evvahshti:
da Lotan, da Sobal, da Zibeon, da Ana,
30 da Dison, da Ezer un da Disan.
Dess voahra di Horiddah leit iahra evvahshti im land Seir,
fadayld bei iahra kshlechtah.
31 Nau dess sinn di leit es kaynicha gmacht voahra in Edom eb ennichi Israeliddah kaynicha voahra:
32 da Bela, em Beor sei boo voah kaynich in Edom, un sei shtatt voah Dinhaba.
33 Vo da Bela kshtauva is,
is da Jobab funn Bozra,
em Serah sei boo kaynich vadda.
34 Vo da Jobab kshtauva is,
is da Husam fumm land funn di Themaniddah kaynich vadda.
35 Vo da Husam kshtauva is, is da Hadad,
em Bedad sei boo kaynich vadda.
Eah voah funn di shtatt Avith un is di Midianiddah im land funn Moab ivvah-kumma im greek.
36 Vo da Hadad kshtauva is,
is da Samla funn Masrek kaynich vadda.
37 Vo da Samla kshtauva is,
is da Saul funn Rehoboth kaynich vadda. Rehoboth voah am revvah.
38 Vo da Saul kshtauva is,
is da Baal-Hanan,
em Achbor sei boo kaynich vadda.
39 Vo da Baal-Hanan,
em Achbor sei boo, kshtauva is,
is da Hadar kaynich vadda.
Eah voah funn di shtatt funn Pagu,
un sei fraw iahra nohma voah Mehetabeel,
di Matred iahra maydel,
un di Matred voah di Mesahab iahra maydel.
40 Dess voahra di evvahshta fumm Esau sei nohch-kummashaft bei nohma, fadayld bei iahra kshlechtah un nochbahshafta:
da Thimna, da Alva, da Jetheth,
41 da Oholibama, da Ela, da Pinon,
42 da Kenas, da Theman, da Mibzar,
43 da Magdiel un da Iram. Dess voahra di evvahshti funn Edom,
fadayld vi si gvoond henn in iahra nochbahshafta un im land es si geahbt henn.
Dess voah em Esau sei nohch-kummashaft, da faddah funn di Edomiddah.