4
Selkatien usil sakien ten kataunien
Eklisiastes 4:9-12
9 Meatin elu tahos imok mulin meatin tas,
veni keilu lukilea luvakakataun keilu en umen onealu valoh.
10 Munak tai en keilu mot,
tunali kilea vakatauni ka vatali lati vamea.
Ka munak meatin tai ro sasen ka mot, koanek tisa,
veni meatin tovuol vakatauni.
11 Munak out mandil,
meatin elu lukilea luvahatin keilu navong lumatil out tas.
?Ka munak meatin tas matil sasen,
aven hetin hemukave?
12 Munak avkeih tai hemai,
kilea vouas meatin koa ro sasen.
Ka munak meatin elu lumual vituai,
keilu lukilea luvou lat avkeih enek.
Munak kopar kat tounah en viau tas, kilea vamaat.
Ka munak kovitein viau etel, koanek keih avatali kotehei.