20
Sofar sel kat Siob vit meatin tisa keil enges amul ales mahien en moulien one
Siob 20:1-2,4-5,27-29
1 Evus, Sofar ten out Namah selus min Siob vit,
2 “!Siob, kosakin tinok vepeng vareis!
Nirto raengtei mun. Kosa, nihit kes selusien onom.
4 “Kokilea revi keke en avong keil mulamu,
navong meatin keil amul rohtoh en out netan,
5 meatin keil avou lat tisaen ten avong tamureis,
ka sien onen koakeil amum tisa hevus hatte tas.
27 “Tounah vasi en out nesa avothot en tisaen one,
ka meatin keil ten out netan avitehiten anatinien va kat keil.
28 Suval mari oai, vurohien onen Ahi
hetavis vasi tounah keil one heha.
29 Koanek hekikistal en meatin keil amum tisa,
koanek keite ten moulien one koa Ahi vat kati min keil.”