1 MAJAN kotier ni tapi o, a majan kotier ren Kot, a majan me udan Kot. 2 I me kotikot ren Kot ni tapi o. 3 I me dipijou karoj tapi kidar, o jota man meakot mia, me kaidin i kotin wiadar 4 Maur mi re a; o iei maur o marain en aramaj. 5 A marain o me dakarada rotorot, a rotorot jota linan kila. 6 Aramaj amen me pakadarador jan ren Kot ad a loanej! 7 I me pwara don kadede, pwen kadede marain o pwe karoj en pojon pweki i. 8 Kaidin i me marain o, a a kin kadede marain o. 9 Iei marain melel, me pwara don jappa, ap kamaraini aramaj karoj. 10 I me kotier jappa, o i me jappa tapi kidar, a jappa jaja i. 11 A koti don udan japwilim a, a japwilim a kan me jan i. 12 Karoj, me kajamo i, a kotiki on ir manaman, en wiala jeri en Kot, ir, me pojon mar a, 13 Me kaidin ipwidi jan nta, de inon en uduk, de inon en ol o, pwe ipwidier jan ren Kot. 14 Majan me wia uduk ala okotikot re atail, o kitail kilaner a linan, linan dueta linan en leroj eu jan ren Jam o, me dir en mak melel. 15 loanej me kadede i nil laudeda indada: lei i, me i padaki wei: Me pan kotido mur i, iei me mier mo i, pwe a kotikotier mo i. 16 Pwe kitail karoj ale jan nan audepa a mak japan potopot. 17 Pwe kapun me kokido jan Mojej, a mak o melel jan Iejuj Krijtuj. 18 Jota me kilaner Kot kokodo, o ieroj ta, me kin kotikot pan kupur en Jam o, i me kotin kajaledar i. 19 A met en Ioanej a kadede, ni men Juj kadarala jan Ierujalem jamero o lepit oko, pwen idok re a: Ij koe 20 I ari kotin kadede; a jota likam; a kotin kadede: Kaidin Krijtuj nai. 21 Irail idok re a: A ij? Eliaj komui? A majani: Kaidin nai i. Komui jaukop o? A japen: Kaidin. 22 Irail ap indan i: A ij komui? Pwe jen japen irail me kadar kit dor. Da me komui kadedeki pein komui? 23 A majani: Nai nil eu, me likelikwir jili nan jap tan: Kaineneda al en Kaun o, duen jaukop Iejaia majanier! 24 A irail pakadaradoer jan ren Parijar akan. 25 Irail ap idok re a indada: Da me komui wia paptaijiki, ma komui kaidin Krijtuj, o kaidin Eliaj, o pil kaidin jaukop o? 26 Ioanej japen irail majani: Nai me paptaijiki pil, a amen kin kotikot nan pun omail, me komail jaja. 27 lei i me kotido mur i, me nai jowar on, en lapwada jal en japwilim a jut. 28 Mepukat wiauier Petapara palilan Iordan, waja Ioanej kin wia paptaij ia. 29 Mandan ran o a majani Iejuj a koti don i ap majani: Kilan Jippul en Kot, me kin wawei dip en jappa! 30 lei i, me i padaki wei: ol amen pan kotido mur i iei, me mier mo i, pwe a kotikotier mo i. 31 A nai jo aja i, a pwe i en janjal don Ijrael, iei me i kokido paptaijiki pil. 32 A Ioanej kadede majani: I kilaner Nen o kotidido jan nanlan ni mom en muroi kotikot re a. 33 A nai jo aja i, a me porone ia don wia paptaijiki pil, iei me kotin majani on ia: Me koe pan kilan. Nen piridi jok poa, o kotikoteta re a, iei i, me kin wia paptaijiki Nen jaraui. 34 A i kilanadar ap kadedeki, me iei Japwilim en Kot. 35 Mandan ran o Ioanej pil kotida waja o, o na tounpadak riamen ian i. 36 A ni a udial Iejuj kotikot kokodo, ap majani: Kilan Jippul en Kot! 37 A tounpadak riamen ronadar a majan, ap idauen wei Iejuj. 38 Iejuj ap kotin jaupeido majani ara idedauen, ap kotin majani on ira: Da me koma rapaki? Ira potoan on: Rapi (iet wewe: Jaunpadak), ia waja re kin kotikot ia? 39 A kotin majani on ira: Kodo kilan! Ira ap poto don kilaner waja, me a kotikot ia, ap mimieta re a ni ran o. Mepukat wiauier impan auer kaeijok. 40 Andreaj, ri en Jimon Petruj amen re ra, me ronadar jan ren Ioanej ap idedauen i. 41 I me diaradar maj udan ri a Jimon, indai on i: Je diaradar Mejiaj (iet wewe: Krijtuj). 42 I ap kalualan i ren Iejuj. A Iejuj lao majani i, ap majani: Jimon, koe nain Iona, koe nok adaneki Kepaj (iet wewe: Paip). 43 Mandan ran o a pan kotilan Kalilaa, Iejuj ap kotin diaradar Pilipuj, majani on i: Idauen ia do! 44 Pilipuj men Petjaida, kanim en Andreaj o Petruj. 45 Pilipuj diaradar Natanael, ap indan i: Je diaradar i, duen me Mojej intiniedier nan puk en kapun o jaukop akan: Iejuj men Najaret, japwilim en Iojep. 46 A Natanael indai on i: Pala maukot pan kak pwarada jan Najaret? Pilipuj indan i: Kodo kilan! 47 Iejuj kotin majani Natanael koko don i, ap majani duen i: Kilan, ol melel en Ijrael amen, me jota kin widin. 48 Natanael potoan on i: Re kotin mani ia jan ia? Iejuj kotin japen majani on i: Mon Pilipuj a eker uk edo, ni om mod pan tuka pik o, I kilan uk ada. 49 Natanael japen potoan on i: Rapi, ir me Japwilim en Kot, ir me Nanmarki en Ijrael. 50 Iejuj kotin japen majani on i: Pweki I indai on uk, me I kilan uk ada pan tuka pik o, iei me koe pojonki, a koe nok kilan me lapa jan mepukat. 51 A kotin majani on i: Melel, melel I indai on komail, jan met komail pan kilan nanlan a ritida o tounlan en Kot akan dauda o daudi pwarado ren Nain aramaj.