1 MELEL, melel I indai on komail, me jo weid nan wanim, pedelon on nan deun jip, a dauda waja toror, iei men lipirap o men kuli. 2 A me kin pedelon pan wanim, iei jilepan jip o. 3 Iei me jilepan wanim o kin ritinada mo a; a jip akan kin ron nil a; i me ekereki na jip akan ad arail, kare irail wei. 4 A kin kapedoi na jip akan, ap tion mo ’rail, o jip akan kin idedauen i, pwe re anlar nil a. 5 A re jota pan idauen, me re jan, pwe re pan tan jan, pwe re jan nil arail. 6 Jejuj kotin majani on irail karajeraj pot et, a irail jota weweki mepukat, me a kotin majani on irail. 7 Iejuj pil kotin majani on irail: Melel, melel I indai on komail: Nai wanim en jip akan. 8 Karoj, me pwarador mo i, iei lipirap o men kuli, o jip akan jota kin ron irail. 9 Nai wanim o, a meamen pedelon re i, pan kamaurela o diar mana purepure. 10 Lipirap kin kodon pirapela, o kamela, o kaokaoe, a nai kodo, pwe irail en ale maur, kakairida kokolata. 11 Nai jilepa mau; a jilepa mau kin tonmeteki on na jip akan maur i. 12 A me kin pwaipwai o me jota udan jilepa, o me kaidin udan na jip oko, iei me ninar kidi eu wel kokodo, ap kajela jip oko, tandaui, a kidi en wel jaikidi jip oko, kamueit ir pajan. 13 Me pwaipwai o kin tandaui, aki a pwaipwai, o jota injenoki jip oko. 14 Nai jilepa mau, o I aja nai kan, o nai kan pil aja ia. 15 Duen Jam o aja ia, iduen I aja Jam, o I tonmeteki on jip akan maur i. 16 A pil akai nai jip, me jo kijan nan kel wet, mepuko I pil pan wado, o re pan ron nil ai, o a pan pwin taieu o jilepa me ta men, 17 Iei me Jam pok on ia, pwe I kidi maur i, pwe I en pur on ale. 18 Jota me ki jan ia, pwe pein nai kidi. I manaman on kidi maur i, I pil manaman on kapure don ia. Kujoned pot et I aleer jan ren Jam ai. 19 Iei me Juj oko ap pil liak toror pajan pweki majan pukat. 20 Me toto re ’rail indada: A tanwar en tewil o iakalar. Menda komail ron i? 21 Akai me indada: Kaidik padak en tanwar en tewil pukat, da, tewil pan kak kapad pajan maj en me majkun amen? 22 A ran en ijimaj en im en kaudok wiaui nan Ierujalem, i anjaun kapau. 23 A Iejuj kotikot jili nan im en kaudok, nan palan en Jalomo. 24 Juj oko kapili pena i indan i: Arai da komui pan okioki jan kit? Ma komui Krijtuj, en kadede on kit janjal! 25 Iejuj kotin majani on irail: I indai on komail er, a komail jota pojon dodok kan, me I wiadar ni mar en Jam ai, iei me kin kadede ia. 26 A komail jota pojon, pwe komail kaidik kijan nai jip, duen me I indai on komail er. 27 Nai jip oko kin ron nil ai, I aja irail a re kin idauen ia. 28 A I ki on irail maur joutuk, a re jota pan jalonala kokolata, o jota, me pan ki jan irail nan pa i. 29 Jam ai, me ki on ia irail, me lapa jan meakaroj, o jota me pan kak ki jan irail ni lim en Jam ai. 30 Nai o Jam me ta men. 31 Juj oko ap pil rik takai, pwen kajuk i. 32 Iejuj kotin japen irail: Dodok mau toto, me I kajale on komail er jan ren Jam o, a menia dodok ren mepukat, me komail kate kin ia? 33 Juj oko ap japen i: Kaidik dodok mau eu, me je kate kin komui, a pweki lalaue, o pweki aramaj amen koe, me wia kin pein uk Kot, 34 Iejuj kotin japen irail: A jo intinidier nan omail kapun: I indada, komail kot akan, 35 Ari, ma a kin wia kin ir kot, me aleer majan en Kot, pwe kijin likau kan jota kak japunala; 36 A komail kin inda kin i, me Jam a kajarauialar, o kadara don jappa, koe lalaue, pweki ai indada: Japwilim en Kot nai? 37 Ma I jo wiawia dodok kan en Jam ai, komail der kamelele ia. 38 A ma I kin wiawia, komail en pojonki dodok kan, ma komail jota pojon ia, pwe komail en aja pojon, me Jam ai podidi on ia, o nai podidi on i. 39 Irail ap pil jon jaikidi i. I ari piti jan ni pa ’rail. 40 O kotin purelan palilan Iordan, waja Ioanej kin wia paptaij ia maj; I ari kotikot waja o. 41 A me toto pokon don i indada: Ioanej jota wiadar kilel eu; a melel eta karoj, me Ioanej majanieki men et. 42 A me toto pojonla i waja o.