111
1 I PAN kapina Ieowa jan nan monion i nan pun en me lelapok kan o nan momodijou.
2 Meid laud wiawian Ieowa kan, ir me injenoki, pan dedeki due.
3 A wiawia kan me pun o linan, o a pun pan duedueta kokolata.
4 A manaman akan men kataman eu. Ieowa me dir en mak o kalanan.
5 A kotin kamana ir, me majak i, a kin kolekol japwilim a inau kokolata.
6 A kotin kajanjale on japwilim a aramaj akan mana en a wiawia kan, pwen kotiki on ir jojo en men liki kan.
7 Dodok en lim a kan me melel o pun; japwilim a majan kan karoj me melel.
8 Re pan duedueta kokolata, o re wiauier ni melel o pun.
9 A kotiki on japwilim a kan jaunkamaur, o a kupureda, me a inau pan duedueta kokolata; mar a me jaraui o kalom.
10 Majak Ieowa iei tapin lolekon; irail meid pai, me kin wia due met, pwe a pai potopot eta.