145
I PAN kapina komui, ai Kot o Nanmarki, o kapina mar omui anjau karoj kokolata.
I pan kapina komui ni ran akan karoj, o kapina mar omui anjau kan karoj kokolata.
Ieowa meid lapalap, o kapina pan, o jota me kak dedeki duen a lapalap.
Jeri en jeri kan pan kapina omui dodok kan, o kajokajoi duen omui manaman.
I pan kajokajoia duen linan en omui kapwat, o i pan kaulki duen omui manaman akan.
O re pan kajokajoia duen manaman en omui dodok kan, o pan kapakaparok duen omui lapalap.
Irail pan kajokajoia duen omui kalanan lapalap, o pere peren o kapina duen omui pun.
Ieowa me dir en mak o kapunlol, kanonama o limpok.
Ieowa me kalanan on karoj o a kapunlol on a wiawia kau karoj.
10 Japwilim omui wiawia kan en kapina komui. Main Ieowa, o japwilim omui lelapok kan en kapina komui.
11 O ren kajokajoia duen linan en wei omui, o ren kapaka parokki duen omui manaman.
12 Pwe aramaj akan en dedeki duen omui manaman o linan on wei omui.
13 Wei omui wei joutuk eu, o omui kakaun pan duedueta kokolata.
14 Ieowa kin kotin kolekol karoj, me pan pupedi, o kainjeu maula karoj, me mamauk.
15 Por en maj karoj kajikajik komui, o kom kotiki on ir kan ar kijin mana ni ar anjau.
16 Kom kotiki pajan Lim omui o kadirela karoj, me memaur, duen kupur omui.
17 Ieowa me pun ni al karoj o jaraui ni a wiawia kan karoj.
18 Ieowa kotikot ren karoj, me likwir on i, karoj, me likwir melel.
19 A kotin wiai on, me majak i duen ar inon. A kotin mani ar nidinid, ap kotin jauaja ir.
20 Ieowa kin kotin jinjila karoj, me pok on i, a pan kamela me doo jan Kot akan karoj.
21 Au ai pan kapina Ieowa, o uduk karoj kapina mar a jaraui anjau kan karoj kokolata.