72
MAIN Kot, kom kotiki on nanmarki en kapun, o kotiki on nain nanmarki ol omui pun.
Pwen kaunda japwilim omui aramaj akan nin tiak pun, o dorela japwilim omui me luet akan.
Nana kan en kare don aramaj akan popol o dol akan me pun.
A pan jauaja pun en me luet ren aramaj akan; a pan dorela nain me jamama kan, o pan tiakedi me morjued o.
Aramaj pan majak komui jan eu kainok lel eu kainok, arain katipin o jaunipon mia.
A pan kotidi dueta katau on mat kap, dueta katau me kawujokejok jap o.
Me pun o pan memaurata ni a ran akan, o muei mau pan pwaida, lao jaunipon jolar mia.
A pan kotin kaunda jan eu madau lel won eu, o jan pilap o lel ni imwin jappa.
Me kaukaujon nan jap tan, pan dairukedi on mo a, o a imwintiti kan pan kanala pwel par.
10 Nanmarki en Tarjij o me mi nan dake kan, pan wa don i ar kijakij; nanmarki en Arapia o Jepa pan wia nopwei.
11 Nanmarki kan karoj pan kaudoki on i, men liki kan karoj pan upa on i.
12 Pwe a pan dorela me jamama o, me kin weriwer, o me luet, me jota jauaj pa.
13 A pan kupura me tikitik o jamama, o pan kotin jauaja nen en me jamama kan.
14 A pan kotin dorela nen arail jan ren me morjued o weit, o nt’ arail me kajampwal mon jilan i.
15 A pan ieiajata o kold jan wein Arapia pan wijik won i, o aramaj akan pan kapakapaki i anjau karoj, a pan kapaida ni anjau karoj.
16 Wantuka kan pan pwaida mau nin jappa o pon nana kan, korn pan momand dueta Lipanon; o aramaj akan pan woj ada nan kanim akan dueta ra nan jap o.
17 Mar a pan duedueta kokolata; arain katipin a pan mimieta, iduen warai en mar a, o re pan kapaikida i; men liki kan karoj pan kapina i.
18 Kapin on Kot leowa, Kot en jrael, i eta, me kin wiada manaman akan.
19 O kapin on mar a linan kokolata, o jap karoj en direki a wau! Amen, amen!
20 Iet imwilan kapakap en Dawid nan Ijai.