76
KOT me indand mau ren Iuda, o mar a me linan ren men Ijrael.
Tanpaj a im pwal mi nan Jalem, o tanpaj a mi Jion.
I waja a kotin katip pajan ia kananan kajik katieu, o pere, o kodlaj, O tatan mauin.
Komui me linan o manaman jan dol en mauin kan.
Me aklapalap akan lodier on men kul akan o mela, o jaunpei komad karoj en kidi pa arail.
Main Kot en Iakop oj o war kin pupekidi omui majan akan.
Komui meid kamajapwek. Ij me kak u mo ’mui ni omui onion?
Ni omui kotin kajaledar omui kadeik jan nanlan, jappa ap majapwekadar o nenenlar,
Ni en Kot a kotidar, pwen kadeik, o jauaja me luet akan karoj nin jappa.
10 Pwe makar en aramaj kin kalinanada komui, o ma re pan pur on moromoron, luan omui onion pan itar on irail.
11 Komail inau on Ieowa omail Kot o kapwaiada. Komail karoj, me mi impa, wa don ren me kalom omail kijakij akan.
12 I me pan atia jan jaupeidi kan ar komad, a meid kalom on nanmarki en jappa kan.